டெல்லி முதல் ஆந்திரா வரை: பொங்கல் கொண்டாட்டங்கள் எப்படி?

பொங்கல் கொண்டாட்டங்கள்: இந்தியாவின் வெவ்வேறு மாநிலங்களில் வழிபாட்டு சடங்குகள்

பொங்கல், தமிழ் நாட்டின் முக்கியமான திருநாளாகவுள்ள இது, இந்தியாவின் பல மாநிலங்களில் வெவ்வேறு பெயர்களுடன், சடங்குகள் மற்றும் வழிபாட்டு பணிகளுடன் கொண்டாடப்படுகிறது. இந்த பண்டிகை விவசாயிகளின் அறுவடையை கடவுளுக்கு அர்பணித்து நன்றி சொல்லும் வழிபாட்டாக எங்கும் கொண்டாடப்படுகிறது.

பண்டிகையின் கொண்டாட்டம் மாநிலப்படி:

• டெல்லி மற்றும் ஹரியானா: இங்கு ‘சங்க்ராத்’ என கொண்டாடப்படுகிறது. நெய், அல்வா, அரிசி பாயாசம் ஆகியவை முக்கிய உணவுகள். திருமணமான பெண்கள் ஆடைகள் பரிசாக வழங்குவது வழக்கம்.
• பஞ்சாப்: ‘மாகி’ என அறுவடை நாளை கொண்டாடுகின்றனர். வீடுகளுக்கு தீப ஒளி ஏற்றி, பங்க்ரா நடனம் ஆடுவது வழக்கம்.
• ராஜஸ்தான் மற்றும் மேற்கு மத்தியப் பிரதேசம்: ‘மகார் சங்கராத்’ என கொண்டாடப்படுகிறது. இனிப்பு பலகாரங்கள் மற்றும் ‘சங்கராத் போஜ்’ உணவுகள் பரிமாறப்படுகின்றன.
• அஸ்ஸாம்: ‘பொகாலி பிஹு’ என அறுவடை நாளை 14-ம் தேதி தொடங்கி கொண்டாடப்படுகின்றது. மூங்கில் குடிலில் சமைத்து விருந்தினர்களை அழைத்து விருந்து வழங்குகின்றனர்.
• மஹாராஷ்டிரா: ‘மகார் சங்கராதி’ என கொண்டாடப்படுகிறது. நல்லெண்ணெய் தேய்த்து, இனிப்பு பலகாரங்களை தயாரித்து உறவினர்களுக்கு பரிமாறுதல் வழக்கம்.
• கோவா: பெண்கள் ‘ஹல்தி கும்கும்’ வழக்கத்தில் சுமங்களிகளுக்கு மஞ்சள் குங்குமம் அளிப்பது வழக்கம்.
• குஜராத்: ‘உத்ராயன்’ என அறுவடை நாளை கொண்டாடுகின்றனர். வண்ணமயமான பட்டம் விடுதல் முக்கிய நிகழ்வாகும்.
• ஹிமாச்சலப் பிரதேசம்: ‘மஹா சாஜி’ என பொங்கலைக் கொண்டாடுகின்றனர். பாட்டு நடனம் மற்றும் இனிப்புக் கிச்சடி முக்கிய உணவாக அமைகின்றது.
• உத்திரப் பிரதேசம்: ‘கிச்செரி’ என கொண்டாடப்படுகிறது. கங்கை நதியில் குளித்து பாவங்களை நீக்கி இனிப்புகள் பரிமாறப்படுகின்றன.
• ஒடிசா: ‘மகர சாலா’ என கொண்டாடப்படுகிறது. சூரியனை வழிபடுவது முக்கியமாக செய்யப்படுகிறது.
• பீகார் மற்றும் ஜார்கண்ட்: ‘சக்ராத்’ என கொண்டாடப்படுகிறது. பெண்கள் குழுவாக சமைத்து, உண்ணுகின்றனர்.
• கர்நாடகா: ‘சுகி’ பண்டிகை என கொண்டாடப்படுகிறது. எள், மஞ்சள் குங்குமம், முந்திரி ஆகியவற்றை பரிசாக வழங்குவது வழக்கம்.
• கேரளா: மகர விளக்குப் பூஜையை கொண்டாடுகின்றனர்.