#INDvsWI : 2வது டி20 கிரிக்கெட் போட்டியில் 8 விக்கெட் வித்தியாசத்தில் இந்தியா தோல்வி

இந்தியா வந்துள்ள மேற்கிந்திய தீவு அணிக்கு இடையிலான 2வது டி20 கிரிக்கெட் போட்டியில் 8 விக்கெட் வித்தியாசத்தில் இந்தியா தோல்வி அடைந்தது.

முதலில் பேட்டிங் செய்த இந்திய அணி 20 ஓவர்களில் 170 ரன்கள் எடுத்து, 171 ரன்கள் எடுத்தால் வெற்றி என்ற இலக்கை மேற்கிந்திய தீவுகள் அணிக்கு அளித்தது.

இந்திய அணியின் மோசமான பீலடிங்கால் 18.3 ஓவர்களில் 173 ரன்கள் எடுத்து மேற்கிந்திய தீவுகள் அணி வெற்றிபெற்றது.

இதன் மூலம் மூன்று டி20 போட்டிகள் கொண்ட இந்த தொடர் 1-1 என்று சமன் ஆகியுள்ளது.

விராட் கோலி இந்த போட்டியில் 19 ரன்கள் அடித்ததன் மூலம், சர்வதேச டி20 கிரிக்கெட் போட்டிகளில் 2563 ரன்கள் சேர்த்து, அதிக ரன்கள் அடித்த வீரர் என்ற பெருமையை பெற்றுள்ளார்.

இவருக்கு அடுத்த இடத்தில் 2562 ரன்களுடன் ரோகித் ஷர்மா உள்ளார். ஒரு ரன் மட்டுமே வித்தியாசம் என்பதால், அடுத்த போட்டியில் இந்த நிலை மாற வாய்ப்புள்ளது.