பங்கு சந்தை
ஹூண்டாய், ஓலா பங்குகளை விற்று வெளியேறியது! ரூ.731 கோடி பிளாக் டீல் அதிர்ச்சி!
ஓலா எலக்ட்ரிக் நிறுவனத்தில் ஹூண்டாய் மோட்டார் தனது பங்குகளை விற்றுவிட்டது என்பது பங்கு சந்தையில் அதிர்ச்சியை ஏற்படுத்தியுள்ளது.
ஜூன் 3ஆம் தேதி நடந்த வர்த்தக அமர்வில், மொத்தம் ரூ.731 கோடி மதிப்புடைய பங்குகள் பிளாக் டீலில் கைமாறின. இந்த டீலில் ஹூண்டாய் மோட்டார் இந்தியா நிறுவனமே விற்பனையாளராக இருந்திருக்கலாம் எனத் தகவல்கள் வெளியாகின்றன. மார்ச் மாத பங்குதாரர் பட்டியலில் ஹூண்டாய் இந்தியா 2.47% பங்குகளை வைத்திருந்தது.
இந்த பிளாக் டீலில், 3.23% ஈக்விட்டி பங்குகள் ரூ.51.4 என்ற விலையில் விற்கப்பட்டன. இது முந்தைய வர்த்தகத்தின் இறுதி விலையான ரூ.53.68-இற்கும் குறைவானதாகும்.
காலை 10.45 மணியளவில், ஓலா எலக்ட்ரிக் பங்குகள் NSE சந்தையில் ரூ.50.28 என்ற அளவுக்கு சரிந்து, 6.3% வீழ்ச்சி கண்டது.
நஷ்டத்தில் ஓலா: வருவாய் குறையும், லாபம் இலக்காக…
கடந்த நிதியாண்டின் நான்காவது காலாண்டில், ஓலா நிறுவனம் ரூ.870 கோடி நிகர இழப்பை சந்தித்ததாக அறிவித்துள்ளது. இது கடந்த ஆண்டு இதே காலத்தில் ஏற்பட்ட ரூ.416 கோடி இழப்பை விட இருமடங்காக அதிகம்.
வருவாய் ரூ.1,598 கோடியில் இருந்து ரூ.611 கோடியாகக் குறைந்தது. அதேபோல, வாகனப் பதிவுகள் ஆண்டுக்கு 52% குறைந்து 56,760 யூனிட்டுகளாகவும், டெலிவரிகள் 51,375 யூனிட்டுகளாகவும் வீழ்ந்துள்ளன.
இன்னும் நிறுவனம் இந்த ஆண்டிற்குள் லாபத்திற்கு திரும்புவதை இலக்காகக் கொண்டு செயல்படுவதாக நிர்வாகம் தெரிவித்துள்ளது.
