Guru Gochar 2026: குரு வக்ர நிவர்த்தி – மேஷம் முதல் மீனம் வரை 5 ராசிகளுக்கு அதிர்ஷ்ட கதவுகள் திறக்கிறது!

ஜோதிடத்தில் மிகவும் சக்திவாய்ந்த கிரகமாகக் கருதப்படும் குரு பகவான் (வியாழன்) பார்த்தால் கோடி நன்மை கிடைக்கும் என்பார்கள். அந்த வகையில், 2026ஆம் ஆண்டு நடைபெற உள்ள குரு வக்ர நிவர்த்தி (நேர்கதி) அனைத்து ராசிகளின் வாழ்க்கையிலும் முக்கிய மாற்றங்களை ஏற்படுத்த உள்ளது. குறிப்பாக சில ராசிக்காரர்களுக்கு இது அதிர்ஷ்டம், வளர்ச்சி மற்றும் முன்னேற்றத்தை அளிக்கும் காலமாக அமையும் என ஜோதிடர்கள் கூறுகின்றனர்.

தற்போது மிதுன ராசியில் வக்ர நிலையில் சஞ்சரித்து வரும் குரு பகவான், 2026 மார்ச் 11-ஆம் தேதி முழுமையாக நேர்கதிக்கு மாறுகிறார். வேத பஞ்சாங்கத்தின் படி, மார்ச் தொடக்கத்திலிருந்தே குருவின் நேர்கதி பயணத்தின் தாக்கம் தெளிவாக உணரப்படும். இந்த மாற்றம் சில ராசிகளின் வாழ்க்கையில் பெரிய திருப்புமுனையை ஏற்படுத்தும். அதிர்ஷ்ட யோகம் பெறும் அந்த ராசிகள் குறித்து பார்க்கலாம்.

🔸 மேஷம்

மேஷ ராசிக்காரர்களுக்கு 3-ம் இடமான தைரிய ஸ்தானத்தில் குரு வக்ர நிவர்த்தி பெறுவதால், கடந்த சில மாதங்களாக இருந்த குழப்பங்கள் முழுமையாக நீங்கும். புதிய வருமான வாய்ப்புகள் உருவாகும். முதலீடுகளில் நல்ல லாபம் கிடைக்கும். நீண்ட நாட்களாக நிலுவையில் இருந்த வேலைகள் வெற்றிகரமாக முடியும். மாணவர்கள் தேர்வுகளில் சிறந்த மதிப்பெண்கள் பெற்று வெற்றி பெறுவார்கள்.

🔸 ரிஷபம்

ரிஷப ராசிக்கு குருவின் நேர்கதி மிகவும் சாதகமான பலன்களை வழங்கும். 2-ம் வீடான தன ஸ்தானத்தில் குரு சஞ்சரிப்பதால் வருமானம் கணிசமாக உயரும். பணப் பிரச்சினைகள் தீரும். உங்கள் பேச்சுக்கும் கருத்துகளுக்கும் மதிப்பு அதிகரிக்கும். குடும்பத்தில் சுப நிகழ்ச்சிகள் நடைபெறும். நீண்ட நாட்களாக இருந்த குடும்பக் கலகங்கள் நீங்கி ஒற்றுமை நிலவும். மன அழுத்தம் குறையும்.

🔸 சிம்மம்

சிம்ம ராசிக்காரர்களுக்கு குருவின் நேர்கதி 11-ம் வீடான லாப ஸ்தானத்தில் நடைபெறுவதால் அபரிமிதமான நன்மைகள் கிடைக்கும். வருமானம் பெருகும். புதிய வருமான வழிகள் திறக்கும். முதலீடுகள் மூலம் நல்ல லாபம் கிடைக்கும். வங்கி சேமிப்புகள் வேகமாக உயரும். நண்பர்கள் மற்றும் மூத்த சகோதரர்களின் ஆதரவு கிடைக்கும். நீண்ட நாள் ஆசைகள் மற்றும் திட்டங்கள் நிறைவேறும்.

🔸 தனுசு

தனுசு ராசிக்காரர்களுக்கு 7-ம் இடமான களத்திர ஸ்தானத்தில் குரு வக்ர நிவர்த்தி அடைவதால் திருமணத் தடைகள் நீங்கும். நல்ல வரன் அமையும். கூட்டுத்தொழில் செய்து வருபவர்களுக்கு கூட்டாளிகளுடன் இருந்த மனக்கசப்புகள் நீங்கி தொழில் விரிவடையும். போட்டித் தேர்வுகளுக்கு தயாராகி வருபவர்கள் பெரிய வெற்றிகளைப் பெறுவார்கள். அரசு வேலை கிடைப்பதற்கான வாய்ப்புகள் அதிகரிக்கும்.

🔸 மீனம்

மீன ராசிக்காரர்களுக்கு குருவின் நேர்கதி வாழ்க்கையில் பல சாதகமான மாற்றங்களை கொண்டு வரும். 4-ம் வீடான சுக ஸ்தானத்தில் குரு சஞ்சரிப்பதால் வசதிகள் பெருகும். வீடு, வாகனம் வாங்கும் யோகம் உண்டு. வேலையில் புதிய பொறுப்புகள் கிடைக்கும். புதிய தொழில் தொடங்க இது சிறந்த காலமாகும். நீண்ட காலமாக இருந்த உடல் உபாதைகள் குறையத் தொடங்கும். ஆரோக்கியம் மேம்படும்.