சினிமா
வாரிசு படத்துல ஏகப்பட்ட சர்ப்ரைஸ் இருக்கு! வினோத்துக்கு போட்டியா பேட்டி கொடுத்த வம்சி!
வாரிசு படத்தின் இசை வெளியீட்டு விழா ஒன்றே போதும் படத்துக்கான ப்ரமோஷனுக்கு என நடிகர் விஜய் சும்மா இருந்து விட்டார். ஆனால், அஜித் ப்ரமோஷனுக்கு வரவில்லை என்றால் கூட பரவாயில்லை ஹீரோயின் மஞ்சு வாரியர் உடன் நாம பேட்டிக் கொடுத்து படத்தை பிரபலப்படுத்துவோம் என இயக்குநர் எச். வினோத் செய்த தரமான சம்பவம் கடைசியாக இயக்குநர் வம்சி பைடிபள்ளியையும் மீடியா முன் கொண்டு நிறுத்தி உள்ளது.
வாரிசு படம் தமிழில் நாளை அதிகாலை வெளியாகிறது. ஆனால், தெலுங்கு மற்றும் இந்தி வெர்ஷன் ஜனவரி 13ம் தேதி தான் வெளியாகின்றன. வாரிசு படத்தின் மீதுள்ள நம்பிக்கை காரணமாகவே ரிலீஸ் தேதியை படக்குழுவினர் தள்ளி வைத்துள்ளதாக கூறுகின்றனர்.
படத்துக்கு முதல் நாளே நெகட்டிவ் ரிப்போர்ட் வெளியாகி விட்டால் அதற்கு பிறகு தெலுங்கு மற்றும் இந்தியில் வெளியிடுவதும் ஒன்று தான் வெளியிடாமல் இருப்பதும் ஒன்று தான். துணிவு படத்துக்காக இயக்குநர் எச். வினோத் டிவிக்களிலும் யூடியூப் சேனல்களிலும் 360 டிகிரி ப்ரமோஷன் செய்து அஜித் ரசிகர்களை உற்சாகத்தில் ஆழ்த்தி உள்ளார்.
துணிவு படம் பாக்ஸ் ஆபிஸ் ஹிட் அடிக்கும் என அஜித் ரசிகர்களும் கன்ஃபார்மாக நம்பிக்கையுடன் உள்ளனர். இந்நிலையில், வாரிசு படத்தின் இயக்குநர் வம்சி பைடிபள்ளி அளித்த பேட்டியில் வாரிசு படத்தின் ட்ரெய்லரில் காட்டியது மட்டுமே படம் கிடையாது என்றும் 2.40 மணி நேர படத்தை 2 நிமிட ட்ரெய்லரில் எப்படி காட்ட முடியும் என்று கூறிய அவர் வாரிசு படத்தில் ஏகப்பட்ட சர்ப்ரைஸ் இருக்கு என்றும் ரசிகர்களை வியப்பில் ஆழ்த்தி உள்ளார்.
நாளை வெளியாக உள்ள இரு படங்களில் பாக்ஸ் ஆபிஸ் ரீதியாகவும் விமர்சன ரீதியாகவும் எந்த படம் வெல்லும் என்கிற போட்டி நிலவி வரும் நிலையில், வாரிசு vs துணிவு போட்டியில்லை என்றும் வாரிசு and துணிவு பொங்கல் என வம்சி தனது பேட்டியில் கூறியுள்ளார்.