தமிழ்நாடு
சென்னை பஸ் செயலி: பேருந்துகளின் நேரம், பயண தூரத்தை அறியலாம்!
சென்னை பேருந்துகளின் நேரம் மற்றும் பயண தூரத்தை அறிவதற்காக சென்னை பஸ் என்ற செயலியை அறிமுகம் செய்யப்பட்டுள்ளது.
போக்குவரத்து அமைச்சர் எஸ்.எஸ்.சிவசங்கர் அவர்கள் சென்னை பஸ் என்ற செயலியை சற்று முன் அறிமுகம் செய்து வைத்தார். இந்த செயலியின் மூலம் சென்னை மாநகர பேருந்துகளின் நேரம், பயணம் விபரத்தை அறிந்து கொள்ளலாம். இது சென்னை மக்களுக்கு கிடைத்த வரப்பிரசாதமாக கருதப்படுகிறது.
இந்த நிலையில் சென்னை பஸ் செயலியை தொடங்கி வைத்த அமைச்சர் எஸ்எஸ் சிவசங்கர் செய்தியாளர்களிடம் பேசியபோது சென்னை போன்ற பிற பகுதிகளிலும் தானியங்கி கதவுடன் கூடிய பேருந்துகளை இயக்க நடவடிக்கை எடுக்கப்படும் என்றும் அவர் தெரிவித்தார் .
ஏற்கனவே சென்னை எம்டிசி என்ற செயலி சென்னை பேருந்துகள் குறித்த விவரங்களை அளித்து வரும் நிலையில் தற்போது மேலும் ஒரு செயலியாக சென்னை பஸ் என்ற செயலியை அறிமுகம் செய்யப்பட்டுள்ளது என்பது குறிப்பிடத்தக்கது.
