ஜோதிடம்
டிசம்பர் 1 முதல் 15 வரை 12 ராசிகளுக்கான இருவார ராசிபலன்: உங்கள் வாழ்க்கை எப்படி இருக்கும்?
மேஷம் (Aries):
இது உங்கள் எண்ணங்களை செயல்படுத்தும் நேரம். அலுவலகத்தில் உங்கள் திறமை வெளிப்படும். சிலருக்கு பணிசார்ந்த வெளிநாட்டு பயணம் வாய்ப்பாக வரும். குடும்பத்தில் அமைதி நிலவும், வாழ்க்கைத் துணையுடன் நல்ல பரஸ்பர புரிதல் உருவாகும். ரியல் எஸ்டேட் அல்லது சொத்து தொடர்பான வாய்ப்புகள் கிடைக்கும். துர்க்கையை வணங்குவதால் வாழ்க்கை செழிக்கலாம்.
ரிஷபம் (Taurus):
முயற்சிகள் வெற்றி பெறும். பணியிடத்தில் மாற்றங்களும் முன்னேற்றங்களும் உண்டாகும். குடும்ப ஒற்றுமை வளர்ச்சி பெறும், பூர்வீக சொத்து சேரும். வாகன பயணத்தில் கவனம் அவசியம். ஏழுமலையானை வணங்கினால் வாழ்க்கை மேம்படும்.
மிதுனம் (Gemini):
தற்பெருமையை தவிர்த்து செயல்படுங்கள். அலுவலகத்தில் உங்கள் வாக்கிற்கு செல்வாக்கு கூடும். வீடு மற்றும் வாகனத்தை புதுப்பிக்க நல்ல நேரம். மாருதியை வணங்குவதால் மகிழ்ச்சி கிடைக்கும்.
கடகம் (Cancer):
சிந்தித்து செயல்பட்டால் பலம் அடையலாம். பணியிடத்தில் மேலதிகாரிகள் ஆதரவு கிடைக்கும். குடும்பத்தில் அன்யோன்யம் அதிகரிக்கும். கூட்டுத் தொழிலில் கவனமாக இருங்கள். இஷ்ட தெய்வத்தை வழிபடுங்கள், நல்லவை நடைபெறும்.
சிம்மம் (Leo):
நேர்த்தியான செயல்களே வெற்றிக்கு வழிகாட்டும். அலுவலக பொறுப்புகளை திட்டமிட்டு முடிக்கவும். குடும்பத்திலும் சீரான நிலைமை உருவாகும். கணபதியை வணங்கினால் இஷ்டங்கள் நிறைவேறும்.
கன்னி (Virgo):
வாக்கில் கவனமாக இருக்கவும். எதிர்பாரா இடமாற்றங்கள் மேன்மையையும் முன்னேற்றத்தையும் தரும். செய்யும் தொழிலில் லாபம் தொடரும். நரசிம்மரை வணங்கினால் உகந்த பலன்கள் கிடைக்கும்.
துலாம் (Libra):
செயல்பாடுகளில் நேரம் தவறாமல் இருக்கவும். பண வரவைச் சேமிக்கவும். வாழ்க்கைத் துணையுடன் மனம் திறந்து பேசினால் மகிழ்ச்சி கிடைக்கும். அனுமனை வணங்கினால் ஆனந்தம் அதிகரிக்கும்.
விருச்சிகம் (Scorpio):
வாக்கில் இனிமை வைத்துக் கொள்ளுங்கள். குடும்பத்தில் மகிழ்ச்சி அதிகரிக்கும். அரசு மற்றும் அரசியலில் இருப்பவர்கள் பதவி உயர்வைப் பெறுவார்கள். குலதெய்வத்தை வணங்குங்கள், வாழ்க்கை ரம்யமாகும்.
தனுசு (Sagittarius):
பொறுமையுடன் செயல்படவும். அலுவலக ரகசியங்களை பகிர வேண்டாம். குடும்பத்தில் அமைதி நிலவும். சிக்கனமாக செயல்படுவது நல்லது. பெருமாளை வணங்கினால் நன்மைகள் அதிகரிக்கும்.
மகரம் (Capricorn):
நிம்மதியான சூழல் ஏற்படும். அலுவலக இடமாற்றங்களை ஏற்றுக்கொள்வது நல்லது. வருமானத்தைச் சேமிக்கவும். ரங்கநாதரை வணங்கினால் வாழ்க்கை வளமாகும்.
கும்பம் (Aquarius):
தன்னம்பிக்கையோடு செயல்படுங்கள். அலுவலகத்தில் உங்கள் திறமைகள் உயர்வைப் பெறும். குடும்பத்தில் மகிழ்ச்சி நிலவும். இஷ்ட அம்மனை வணங்கினால் எண்ணங்கள் நிறைவேறும்.
மீனம் (Pisces):
அலட்சியத்தையும் அவசரத்தையும் தவிர்க்கவும். வேலைகளில் கவனம் செலுத்துங்கள். குடும்பத்தில் அமைதி திரும்பும். ஏழுமலையானை வணங்கினால் வாழ்க்கை மேம்படும்.
