வரிவிலக்கு கொடுத்த முதல்வர், தடை விதித்த குவைத் நாடு: பிரபல நடிகரின் படத்தால் பரபரப்பு

அக்ஷய் குமார் நடித்த ’சாம்ராட் பிரித்விராஜ்’ என்ற திரைப்படம் வரும் 3ஆம் தேதி அதாவது நாளை வெளியாகவிருக்கும் நிலையில் இந்த படத்திற்கு உத்தரப்பிரதேச மாநில முதலமைச்சர் வரிவிலக்கு அளித்து உள்ளார். ஆனால் அதே நேரத்தில் இந்த படத்தை திரையிட குவைத், ஓமன் நாடுகள் தடை விதித்துள்ளது பெரும் பரபரப்பை ஏற்படுத்தி உள்ளது .

நடிகர் அக்ஷய் குமார் நடித்த ’சாம்ராட் பிரித்விராஜ்’ என்ற திரைப்படத்தை உத்தரப்பிரதேச மாநில முதலமைச்சர் யோகி ஆதித்யநாத் அவர்கள் இன்று அமைச்சர்களுடன் பார்த்தார். படம் பார்த்து முடித்தவுடன் அவர் படக்குழுவினர்களை பாராட்டிய வரி விலக்கு அளிப்பதாக வாக்குறுதி அளித்துள்ளார். இதனால் இந்த படத்திற்கு உத்தரப்பிரதேச மாநிலத்தில் வரி இல்லை என்பது குறிப்பிடத்தக்கது.

இந்த நிலையில் அடுத்த பிரித்விராஜ் படத்திற்கு ஓமன், குவைத் நாடுகளில் தடை விதிக்கப்பட்டுள்ளது. இந்த படத்தில் சர்ச்சைக்குரிய காட்சிகள் இருப்பதால் ஓமன் குவைத் நாடுகளில் தடை விதிக்கப்பட்டதாக தகவல்கள் வெளியாகியுள்ளன. ஏற்கனவே குவைத் நாட்டில் பீஸ்ட்’, துல்கர் சல்மான் நடிப்பில் வெளியான ‘குருப்’ மற்றும் விஷ்ணு விஷாலின் ‘எப் ஐ ஆர்’ படங்களுக்கு தடை விதிக்கப்பட்டது என்பது குறிப்பிடத்தக்கது.