பிக்பாஸ் அல்ட்டிமேட்டில் அவர் இல்லையாம்!.. ஷாக் ஆன ரசிகர்கள்…..

தமிழில் இதுவரை பிக்பாஸ் 5 சீசன்கள் முடிந்துவிட்டன. விஜய் தொலைக்காட்சியில் ஒளிபரப்பான இந்த 5 சீசன்களையும் நடிகர் கமல்ஹாசனே தொகுத்து வழங்கினார். இந்த பிக்பாஸ் நிகழ்ச்சி மூலம் பலரும் ரசிகர்களிடம் பிரபலமாவதால், பலரும் இந்த நிகழ்ச்சியில் கலந்து கொள்ள ஆர்வம் காட்டி வருகின்றனர்.

தற்போது பிக்பாஸ் அல்ட்டிமேட் எனும் புதிய நிகழ்ச்சி துவங்கவுள்ளது. இந்த நிகழ்ச்சியை ஹாட் ஸ்டாப் ஆப்பில் 24 மணி நேரமும் ரசிகர்கள் கண்டு களிக்க முடியும். இந்த நிகழ்ச்சியில் முதல் சீசன் முதல் 5வது சீசன் வரை ஏற்கனவே கலந்து கொண்டு ரசிகர்களிடம் பிரபலமானவர்கள் கலந்து கொள்ளவிருக்கிறார்கள்.

ஏற்கனவே பாடலாசிரியர் சினேகன், ஜூலி, தாடி பாலாஜி, வனிதா, சுரேஷ் சக்ரவர்த்தி, அபிராமி ஆகியோர் கலந்து கொள்வது உறுதியாகியுள்ளது. எனவே, ரசிகர்கள் பெரிதும் எதிர்பார்த்த நடிகை ஓவியா இதில் கலந்து கொள்வார்கள் என எதிர்பார்த்த நிலையில், அவர் உடல்நலக்குறைவால் கலந்து கொள்ளவில்லை என்கிற செய்தி அவரின் ரசிகர்களுக்கு அதிர்ச்சியை கொடுத்துள்ளது. ஒருவேளை சில நாட்கள் கழித்து அவர் கலந்து கொள்வாரா என்பது தெரியவில்லை.

முதல் சீசனில் கலந்து கொண்டு பலரையும் இந்த நிகழ்ச்சியை பார்க்க வைத்ததே ஓவியாதான். அவரின் பேச்சு, நடவடிக்கை எல்லாமே ரசிகர்களை கவர்ந்தது. இவருக்கு ரசிகர்கள் உருவானார்கள். மேலும், சமூக வலைத்தளங்களில் ஓவியா ஆர்மிகள் களை கட்டியது. இந்த முறை அவர் கலந்து கொள்வாரா என்பது தெரியவில்லை.

பிக்பாஸ் அல்ட்டிமேட் நிகழ்ச்சி ஜனவரி 30ம் தேதி மாலை 6.30 மணிக்கு துவங்கவுள்ளது குறிப்பிடத்தக்கது.