டெலிவரிக்கு 3 மாதம் இருக்கு, ஆனா இப்பவே பேர் வச்சாச்சு: ஆல்யா மானஸா

ராஜா ராணி என்ற தொலைக்காட்சி தொடர் மூலம் ரசிகர்கள் மனதில் இடம் பிடித்த நடிகை ஆலியா மானசா, அந்த தொடரின் நாயகன் சஞ்சீவ் கார்த்திக்கை திருமணம் செய்து கொண்டார் என்பதும் இந்த நட்சத்திர தம்பதி பெண் குழந்தை பிறந்துள்ளது என்பது குறிப்பிடத்தக்கது.

தனது குழந்தையின் புகைப்படம் மற்றும் வீடியோக்களை அவ்வப்போது தனது சமூக வலைத்தளத்தில் பதிவு செய்து வரும் ஆலியா மானசா, தற்போது அடுத்த குழந்தைக்கு தயாராக உள்ளார்.

கடந்த சில மாதங்களாக கர்ப்பமாக இருக்கும் ஆல்யா மானசா அடுத்த குழந்தையின் டெலிவரி தேதி ஏப்ரல் இறுதி வாரம் அல்லது மே முதல் வாரம் என மருத்துவர்கள் கூறி உள்ளதாகவும் தெரிவித்துள்ளார்.

இதுகுறித்து அவர் சமீபத்தில் அளித்த பேட்டியில் மருத்துவர்கள் டெலிவரி தேதியை சொல்லி விட்டதாகவும், அதனால் இரண்டாவது குழந்தையை எதிர்நோக்கி ஆவலுடன் காத்திருக்கிறேன் என்று கூறியுள்ளார்.

மேலும் தனது இரண்டாவது குழந்தைக்கு இப்போதே பெயர் வைத்து விட்டதாகவும் அது பெண் குழந்தையாக இருந்தால் லைலா என்றும் ஆண் குழந்தையாக இருந்தால் ஆர்ஷ் என்றும் பெயர் வைத்துள்ளதாகவும் அந்த பேட்டியில் அவர் கூறியுள்ளார்.