தமிழ்நாடு
விஜயகாந்த் உடல்நிலை: மகனின் உருக்கமான வீடியோ!
— Vijayakant (@iVijayakant) August 31, 2018
தேமுதிக தலைவர் விஜயகாந்தின் உடல்நிலை குறித்து பல்வேறு வதந்திகள் பரவி வருவதையொட்டி அவரது மகன் விஜய் பிரபாகரன் உருக்கமான வீடியோ ஒன்றை வெளியிட்டுள்ளார்.
தேமுதிக தலைவர் விஜயகாந்த் அமெரிக்கா சென்று சிகிச்சை பெற்று கடந்த மாதம் 20-ஆம் தேதி சென்னை திரும்பினார். இதனையடுத்து மீண்டும் அவர் அமெரிக்காவுக்கு சிகிச்சை பெற செல்வார் என கூறப்பட்டது. ஆனால் நேற்று திடீரென சென்னை போரூரில் உள்ள தனியார் மருத்துவமனை ஒன்றில் அனுமதிக்கப்பட்டார். விஜயகாந்த் திடீரென மருத்துவமனையில் அனுமதிக்கப்பட்டதும் அவரது உடல்நிலை குறித்து பல்வேறு வதந்திகள் பரவியது.
இந்த வதந்திகள் தேமுதிகவினரையும், விஜயகாந்த் குடும்பத்தினரையும் கவலை அடைய செய்துள்ளது. இதனால் விஜயகாந்தின் மகன் விஜய் பிரபாகரன் தனது தந்தையைப்பற்றி இப்படி வதந்திகளை பரப்பாதீர்கள் என உருக்கமான வீடியோ ஒன்றை வெளியிட்டுள்ளார். அந்த வீடியோ பதிவில், அவர் மருத்துவமனையில் அனுமதிக்கப்பட்டிருப்பது உண்மை தான். ஆனால் அவரது உடல்நிலை குறித்து பரவும் தகவல்கள் வதந்தி. அவர் மருத்துவமனையில் ராஜாவை போல் நன்றாக இருக்கிறார். அவரைப்பற்றி வதந்தி பரப்புவதால் உங்களுக்கு என்ன நன்மை?.
அப்பா உடல்நலம் இல்லாமல் இருப்பது உண்மை தான் ஆனால் வயதானவா் போல படுக்கையில் இருப்பதாக இஷ்டத்திற்கு நீங்கள் பேசி வருவது வேதனை அளிக்கிறது. என் தந்தையை இப்படி கூறுவதால் எனக்கு வலிக்கும் என்பதை நீங்கள் உணரவில்லையா? தேவையற்ற பேச்சுக்களால் மனவேதனை அடைகிறோம்.
Stop spreading rumours about Captain he is all good and safe he will be back as the captain you all wished he’s not admitted in hospital Please for heaven sake stop spreading fake news ??♂️???? @iVijayakant ????
— Vijay Prabhakaran (@vj_1312) August 31, 2018
தேவையற்ற வதந்திகளை பரப்ப வேண்டாம். நீங்கள் எதிா்பாா்ப்பதை போல ஆயிரம் மடங்கு நலமுடன் அவா் சீக்கிரம் வருவாா். எனக்கு வேண்டியதெல்லாம் பாசிட்டிவ்வாக நினையுங்கள். அவரை நினைத்து பெருமைப்படுங்கள். நம்பிக்கை வையுங்கள் என விஜயகாந்தின் மகன் உருக்கமாக பேசியுள்ளார்.
