தை அமாவாசை 2026: தேதி, திதி நேரம், தர்ப்பணம் செய்ய உகந்த நேரம் – முழு தகவல்!

தை அமாவாசை 2026: தேதி, திதி நேரம், தர்ப்பணம் செய்ய உகந்த காலம் – முழு விவரம்

அமாவாசை தினம் ஒவ்வொரு மாதமும் முன்னோர்களை நினைத்து செய்யப்படும் மிக முக்கியமான நாளாக கருதப்படுகிறது. அதிலும் ஆடி, புரட்டாசி மற்றும் தை மாதங்களில் வரும் அமாவாசை தினங்கள் ஆன்மிக ரீதியாக மிகவும் விசேஷமானவை.

ஆடி அமாவாசை அன்று பித்ருக்கள் பித்ரு லோகத்திலிருந்து பூலோகத்திற்கு வருவதாக ஐதீகம் கூறுகிறது.
புரட்டாசி மாத அமாவாசை, மகாளய அமாவாசை என அழைக்கப்படுகிறது. இந்த நாளில் பித்ருக்கள் பூலோகத்திற்கு வந்து, மகாளய பட்ச காலம் முழுவதும் தங்கி அருள் புரிவார்கள்.

அதன் பின்னர் வரும் தை அமாவாசை அன்று, பித்ருக்கள் தங்களுக்கு தர்ப்பணம் செய்த சந்ததிகளுக்கு நல்லாசி வழங்கி, மீண்டும் பித்ரு லோகத்திற்கு திரும்புவதாக சாஸ்திரங்கள் கூறுகின்றன.

🌿 தர்ப்பணம் என்றால் என்ன?

அமாவாசை நாளில் முன்னோர்களை நினைத்து,
👉 எள்ளும்
👉 தண்ணீரும்

இரைத்துச் செய்யப்படும் வழிபாடு தர்ப்பணம் என அழைக்கப்படுகிறது. இந்த வழிபாட்டை ஒவ்வொரு அமாவாசை அன்றும் செய்யலாம்.

தர்ப்பணம் செய்த பின்:

• வீட்டில் இலை போட்டு முன்னோர்களுக்கு உணவு படைத்தல்

• பசுமாட்டுக்கு கீரை அல்லது அரிசி கலந்த உணவு வழங்குதல்

• பிறகு குடும்பத்தினர் உணவு உண்ணுதல்

ஆகியவை தர்ப்பண வழிபாட்டின் ஒரு பகுதியாகும்.

🔱 சிரார்த்தம் என்றால் என்ன?

ஒருவர் இறந்த பிறகு, அவரை நினைத்து ஒவ்வொரு ஆண்டும் அவர் இறந்த அதே திதியில் செய்யப்படும் வழிபாடு சிரார்த்தம் எனப்படுகிறது.

இந்த வழிபாட்டில்:

• பிண்டம் வைத்து வழிபடுவது சிறந்தது

• வீட்டிலோ அல்லது கோயிலிலோ செய்யலாம்

• குறிப்பாக, அவர் இறந்த நாளின் திதியில் செய்வதே சாஸ்திரப்படி மிகச் சிறந்தது

📅 தை அமாவாசை 2026 தேதி

தை அமாவாசை 2026
🗓️ ஜனவரி 18, 2026 – ஞாயிற்றுக்கிழமை

ஞாயிற்றுக்கிழமை தை அமாவாசை வருவது மிகுந்த புண்ணிய பலன்களை அளிக்கும் என நம்பப்படுகிறது.

⏰ திதி & தர்ப்பணம் செய்ய உகந்த நேரம்

• தை அமாவாசை திதி ஆரம்பம்:
  👉 ஞாயிற்றுக்கிழமை அதிகாலை 01:20 மணி

• திதி முடிவு:
  👉 திங்கட்கிழமை அதிகாலை 02:31 மணி

இதனால்,
👉 ஞாயிற்றுக்கிழமை அதிகாலை புண்ணிய நதிகளில் நீராடி,
👉 நண்பகல் 12 மணிக்குள் தர்ப்பணம் செய்து முடிப்பது சிறந்தது.

பிரம்ம முகூர்த்தத்தில் (சூரிய உதயத்திற்கு முன்பு) தர்ப்பணம் செய்வதும் மிகுந்த புண்ணியத்தை தரும். சூரியன் உதித்த பின்பே செய்ய வேண்டும் என்ற கட்டாயம் இல்லை.

👨‍👩‍👧‍👦 யாரெல்லாம் தர்ப்பணம் கொடுக்க வேண்டும்?

• தாய், தந்தை இல்லாத ஆண்கள்

• கணவர் இல்லாத பெண்கள்

இந்த நாளில் தர்ப்பணம் செய்து, விரதத்தை கடைப்பிடிக்க வேண்டும் என சாஸ்திரம் கூறுகிறது.