பரபரப்பான சூழலில் நாடாளுமன்ற குளிர்கால கூட்டத்தொடர் இன்று தொடங்குகிறது.

இன்று காலை டெல்லியில் இந்திய நாடாளுமன்றத்தின் குளிர்கால கூட்டத்தொடர் தொடங்குகிறது. 19 நாட்கள் நடைபெறும் என்று அறிவிக்கப்பட்டுள்ள இந்த கூட்டத் தொடரில் எதிர்க்கட்சினர் பல்வேறு பிரச்னைகளை எழுப்பி நாடாளுமன்றத்தை ஸ்தம்பிக்க வைக்க காத்திருக்கின்றனர்.

இதுவரை இல்லாத நிகழ்வாக பிரதமர் நரேந்திர மோடி நாடாளுமன்ற கட்டிடத்திற்கு வெளியே தற்போது செய்தியாளர்களை சந்தித்து வருகிறார்.

இந்த கூட்டத்தொடரில் எஸ்.ஐ.ஆர் குறித்து பல்வேறு தீர்மானங்களை திமுக, காங்கிரஸ், திரிணமூல் காங்கிரஸ் கம்யுனிஸ்ட் கட்சிகள் கொண்டுவர இருக்கின்றன. நாடுமுழுதும் இந்த எஸ்ஐஆர் பணிகளின்போது அதில் ஈடுபட்டுள்ள 100க்கும் மேற்பட்ட பணியாளர்கள் நோய்வாய்ப்பட்டும் தற்கொலை செய்து கொண்டும் இறந்திருக்கின்றனர். இந்த பிரச்னை மிக முக்கிய விவாதமாக இருக்கப் போகிறது.

மேலும் டெல்லி கார் குண்டு வெடிப்பு, கோவை மதுரை மெட்ரோவுக்கு நிதி ஒதுக்காதது நெல்லின் ஈரப்பதம் உயர்த்தக் கோருவது உள்ளிட்ட பிரச்னைகளை திமுக எழுப்ப உள்ளது.