8வது ஊதியக்குழு: மத்திய அரசு ஊழியர்களுக்கு அகவிலை அடிப்படை ஊதியத்துடன் இணைக்கும் சாத்தியங்கள்!

மத்திய அரசு ஊழியர்களுக்கு 8வது ஊதியக்குழு தொடர்பான முக்கிய தகவல் வெளியானுள்ளது. ஜனவரி 1, 2026 முதல் புதிய ஊதிய கட்டமைப்பு அமல்படுத்தப்பட வாய்ப்புள்ளதாக நிபுணர்கள் தெரிவிக்கின்றனர். இதன் முக்கிய அம்சம் அகவிலைப்படி (DA) அடிப்படை ஊதியத்துடன் இணைக்கப்படுவதாகும்.

அகவிலைப்படி (DA) என்பது என்ன?
அகவிலைப்படி என்பது பணவீக்கம் காரணமாக ஊழியர்களுக்கும் ஓய்வூதியதாரர்களுக்கும் வழங்கப்படும் அலவன்ஸ். இதன் கணக்கீடு தொழிலாளர்களுக்கான நுகர்வோர் விலைக் குறியீடு (CPI-IW) அடிப்படையில் ஆண்டுக்கு இரண்டு முறை திருத்தப்படுகிறது. ஜூலை 2025 நிலவரப்படி மத்திய அரசு ஊழியர்களுக்கு அகவிலைப்படி 58% ஆகும். 2026 ஜனவரியில் இது 60.61% ஆக உயரும் என எதிர்பார்க்கப்படுகிறது.

DA அடிப்படை ஊதியத்துடன் இணைக்கும் நடைமுறை:

• வழக்கமாக, அகவிலைப்படி 50% ஐ தாண்டும் போது, அது அடிப்படை ஊதியத்துடன் இணைக்கப்படுகிறது.

• 5வது மற்றும் 6வது ஊதியக்குழுக்களில் இது பின்பற்றப்பட்டது.

• 7வது ஊதியக்குழு இதை பின்பற்றவில்லை, இது ஊழியர்களுக்கு ஏமாற்றத்தை உருவாக்கியது.

• 8வது ஊதியக்குழுவில் மீண்டும் இந்த நடைமுறை பின்பற்றப்படும் என நம்பப்படுகிறது.

ஃபிட்மெண்ட் ஃபாக்டர்:
அகவிலைப்படி அடிப்படை ஊதியத்துடன் இணைக்கப்பட்ட பிறகு, ஃபிட்மெண்ட் ஃபாக்டர் பெருக்கப்பட்டு புதிய அடிப்படை ஊதியம் நிர்ணயிக்கப்படும். 8வது ஊதியக்குழுவில் ஃபிட்மெண்ட் ஃபாக்டர் 1.83 – 2.86 வரையிலானதாக இருக்கலாம்.

ஊதிய உயர்வு மற்றும் நன்மைகள்:

• ஊழியர்களுக்கு மிகப்பெரிய ஊதிய உயர்வு

• பணவீக்கம் காரணமாக ஏற்படும் நிதி சிரமங்களுக்கு நிவாரணம்

• ஓய்வூதியதாரர்களுக்கும் அதிக நன்மை

• புதிய அடிப்படை ஊதியத்துடன் DA இணைக்கும் போது, தினசரி சம்பளம் மற்றும் ஓய்வூதியத் தொகை அதிகரிக்கும்

தற்போதைய நிலை:

• அதிகாரப்பூர்வ உறுதிப்படுத்தல் இன்னும் அரசாங்கத்திடமிருந்து இல்லை.

• அகவிலை முழுமையாக அடிப்படை ஊதியத்துடன் இணைக்கும் எனும் விவரம் அதிகாரப்பூர்வமாக உறுதி செய்யப்படவில்லை.