முட்டையை எப்போது சாப்பிடுவது சிறந்தது? காலை & இரவு சாப்பிடும் நன்மைகள்!

புரதமும், வைட்டமின்களும், கனிமச்சத்துக்களும் நிரம்பிய முட்டை, நமது ஆரோக்கியத்துக்கு அத்தியாவசியமான சூப்பர்ஃபுட் ஆகும். இதய ஆரோக்கியம், கண் பார்வை, தசை வலிமை, மூளை நலம் மற்றும் எடை குறைப்பு போன்ற பல நன்மைகளை முட்டை வழங்குகிறது. ஆனால், அதை சாப்பிட சிறந்த நேரம் எது என்பதை அறிந்தால், அதிலிருந்து அதிகபட்ச நன்மையை பெறலாம்.

ஒரு முட்டையில் உள்ள சத்துக்கள் (Nutrition in One Egg):

• 75 கலோரி

• 6 கிராம் புரதம்

• 5 கிராம் கொழுப்பு

• 0 கார்போஹைட்ரேட்

• வைட்டமின் A, B5, B12, ஃபோலேட், ரிபோஃப்ளாவின்

• பாஸ்பரஸ், செலினியம், பொட்டாசியம், சோடியம்

முட்டையின் முக்கிய ஆரோக்கிய நன்மைகள்:

• இதய நலம்: நல்ல கொலஸ்ட்ரால் அளவை உயர்த்தி இதய நோய் அபாயத்தை குறைக்கும்.

• கண் ஆரோக்கியம்: லூட்டீன் மற்றும் ஜியாக்சாந்தின் போன்ற ஆன்டி-ஆக்சிடன்ட்கள் கண் நோய்களை தடுக்கும்.

• தசை வளர்ச்சி: புரதம் உடல் திசுக்களை சரிசெய்யவும், பராமரிக்கவும் உதவும்.

• மூளை ஆரோக்கியம்: கோலின் மூலமாக நினைவாற்றல், மனநிலை மற்றும் புத்திக்கூர்மை மேம்படும்.

• எடை குறைப்பு: கலோரி குறைவாகவும், புரதம் அதிகமாகவும் உள்ளதால் வயிறு நீண்ட நேரம் நிறைவாக இருக்கும்.

முட்டை சாப்பிட சிறந்த நேரங்கள்:

காலை நேரம்:

• வளர்சிதை மாற்றத்தை (Metabolism) தூண்டுகிறது.

• நீண்ட நேரம் பசியில்லாமல் வைத்திருக்கும்.

• ஆரோக்கியமற்ற சிற்றுண்டிகளைத் தவிர்க்க உதவும்.

• மூளையின் செயல்பாட்டை மேம்படுத்தும்.

இரவு நேரம்:

• மாலை உடற்பயிற்சிக்கு பிறகு தசை மீட்பு மற்றும் வளர்ச்சிக்கு உதவும்.

• டிரிப்டோபான் அமினோ அமிலம் மூலம் செரோடோனின் & மெலடோனின் உற்பத்தியை தூண்டி, நல்ல தூக்கத்தை தரும்.