வருமான வரி கணக்கு தாக்கல் கடைசி நாள் இன்று: தாக்கல் செய்யாதால் அபராதம், சிறைத்தண்டனை வரை!

2025-26 நிதியாண்டுக்கான வருமான வரி கணக்கு (ITR) தாக்கல் செய்வதற்கான கடைசி நாள் இன்று என்பதால், பலரும் தங்கள் கணக்குகளை தாக்கல் செய்வதில் அவசரமாக உள்ளனர்.

இந்த முறை மத்திய பட்ஜெட்டில் ஊதியம் பெறும் நபர்களுக்கு வருட வருமானம் ₹12.75 லட்சம் வரை, மற்றவர்களுக்கு ₹12 லட்சம் வரை வரி விலக்கு அறிவிக்கப்பட்டுள்ளது. இதனால் பலருக்கு வருமான வரி தாக்கல் செய்வது கட்டாயமா? எவ்வளவு வருமானம் இருந்தால் தாக்கல் செய்ய வேண்டும்? தாக்கல் செய்யாவிட்டால் என்ன நடக்கும்? என்ற குழப்பங்கள் எழுந்துள்ளன.

யார் தாக்கல் செய்ய வேண்டும்?

• 60 வயதுக்குட்பட்டவர்களின் ஆண்டு வருமானம் ₹2.5 லட்சத்தை மீறினால்

• மூத்த குடிமக்கள் (60–80) – ₹3 லட்சம் மேல்

• மிக மூத்த குடிமக்கள் (80+) – ₹5 லட்சம் மேல் இருந்தால் தாக்கல் செய்ய வேண்டும்.

• வணிக நிறுவனங்கள், நஷ்டம் இருந்தாலும் தாக்கல் கட்டாயம்.

• வெளிநாட்டு சொத்து வைத்திருப்பவர்கள், பெரிய வங்கி பரிவர்த்தனைகள் செய்தவர்கள், வருடாந்திர மின்சார கட்டணம் ₹1 லட்சம் மேல் இருந்தாலும் தாக்கல் செய்ய வேண்டும்.

தாக்கல் செய்யாததின் விளைவுகள்

• வருமானம் ₹5 லட்சம் மேல் இருந்தால், தாமதமாக தாக்கல் செய்தால் ரூ.1,000–₹5,000 அபராதம்.

• நிலுவை வரிக்கு மாதத்திற்கு 1% வட்டி விதிக்கப்படும்.

• இழப்புகளை அடுத்த ஆண்டுக்கு எடுத்துச் செல்ல முடியாது.

• அதிக வரி செலுத்தியிருந்தால் ரீஃபண்ட் தாமதமாகும்.

• கடுமையான சந்தர்ப்பங்களில் 6 மாதம் முதல் 7 ஆண்டுகள் வரை சிறைத்தண்டனை கூட விதிக்கப்படலாம்.

பான் கார்டு இருந்தால் கட்டாயமா?
பான் கார்டு இருப்பதால் மட்டும் தாக்கல் செய்ய வேண்டிய அவசியமில்லை. ஆனால்,

• ரூ.1 கோடி மேல் நடப்பு கணக்கில் டெபாசிட்

• சேமிப்பு கணக்கில் ரூ.50 லட்சம் மேல் டெபாசிட்

• வெளிநாட்டு பயணம் ரூ.2 லட்சம் மேல் செலவு ஆகிய நிபந்தனைகள் இருந்தால் தாக்கல் கட்டாயம்.

தொடர்ந்து ITR தாக்கல் செய்வதால் கிடைக்கும் நன்மைகள்

• கடன், கிரெடிட் கார்டு விண்ணப்பத்திற்கு உதவும்.

• விசா பெறுவதற்கான வாய்ப்பை அதிகரிக்கும்.

• அரசாங்க டெண்டர்கள், நிதி பரிவர்த்தனைகளில் பயன்படும்.

• வரி திரும்பப்பெறுதல் (Refund) விரைவாக கிடைக்கும்.

வரி நிபுணர்கள் “உங்கள் வருமானம் விலக்கு வரம்பை விடக் குறைவாக இருந்தாலும், பாதுகாப்புக்காகவும் நிதி நம்பகத்தன்மைக்காகவும் வருமான வரி தாக்கல் செய்வது நல்லது” என்று அறிவுறுத்துகின்றனர்.