ஒரே ஆண்டில் 34 படங்கள் – 5 தேசிய விருது – மோகன்லாலின் அதிரடி சாதனை!

இந்திய திரைத்துறையில் ஒரே ஆண்டில் 34 திரைப்படங்களை வெளியிட்டு தனித்துவமான சாதனை படைத்தவர் மலையாள சூப்பர் ஸ்டார் மோகன்லால். 1986 ஆம் ஆண்டில் அவரது 34 படங்கள் திரைக்கு வந்தன, இதில் 25 படங்கள் பாக்ஸ் ஆபீஸில் மிகப்பெரிய வெற்றியை கண்டன.

மோகன்லால் 1980-ம் ஆண்டு ஃபாசில் இயக்கத்தில் வெளியான ‘மஞ்சில் விரிஞ்ச பூக்கள்’ படத்தின் மூலம் திரையுலகுக்கு அறிமுகமானார். 400-க்கும் அதிகமான படங்களில் நடித்துள்ள அவர், 5 தேசிய விருதுகள், 9 மாநில விருதுகள், பத்மஸ்ரீ, பத்மபூஷன் உள்ளிட்ட பல்வேறு அங்கீகாரங்களை பெற்றுள்ளார்.

மோகன்லால் தான் மலையாள திரையுலகில் ரூ.200 கோடி வசூல் சாதனைப் படைத்த முதல் நடிகர். 2019-ம் ஆண்டு வெளியான ‘லூசிஃபர்’ படம் மலையாள சினிமாவின் முதல் ரூ.200 கோடி கிளப் படமாக அமைந்தது.

ஒரே ஆண்டில் 34 படங்கள் வெளியானது எப்படி சாத்தியமானது? என்ற கேள்விக்கு மோகன்லால்,
“அந்த காலத்தில் ஒரு படத்தின் ஷூட்டிங் 10 முதல் 25 நாட்களில் முடிந்து விடும். சில படங்களில் சிறப்பு தோற்றம் மற்றும் முக்கிய கதாபாத்திரங்களில் நடித்ததால் இது சாத்தியமானது,” என தெரிவித்துள்ளார்.