மீண்டும் கொளுத்த ஆரம்பித்தது வெயில்: சென்னையில் இன்று 104 டிகிரி

கடந்த சில நாட்களாக சென்னை உள்பட தமிழகம் முழுவதும் அக்னி நட்சத்திர வெயில் கொளுத்தி வந்தது என்பதும் ஆனால் இடையில் சில நாட்கள் அசானி புயல் காரணமாக மழை பெய்ததால் அக்னி நட்சத்திர வெயிலின் தாக்கம் குறைந்து என்பதையும் பார்த்தோம் .

இந்த நிலையில் தற்போது மாநிலம் முழுவதும் மழை இல்லாமல் மீண்டும் வெயில் கொளுத்த ஆரம்பித்ததல் பொதுமக்கள் கடும் அவதிக்குள்ளாகி உள்ளனர். குறிப்பாக சென்னையில் இன்று மிக அதிகபட்சமாக வெயில் கொளுத்தியது என்பதும் மீனம்பாக்கத்தில் இன்று பதிவான வெயிலின் அளவு 104 டிகிரி பாரன்ஹீட் என்பது குறிப்பிடத்தக்கது .

கடலூரில் அதிகபட்சமாக 102.7 டிகிரி பாரன்ஹீட் வெப்பம் பதிவாகி உள்ளது என்பது குறிப்பிடத்தக்கது. சென்னை நுங்கம்பாக்கத்தில் 1025 டிகிரி ஃபாரன்ஹீட் வெப்பம் பதிவாகியுள்ளது.

எனவே வெயில் மீண்டும் கொளுத்த ஆரம்பித்துள்ளதால் குழந்தைகள் மற்றும் பெரியவர்கள் மிகவும் கவனத்துடன் இருக்க வேண்டும் என அறிவுறுத்தப்பட்டுள்ளது. மே இருபத்தி எட்டாம் தேதி வரை அக்னி நட்சத்திர வெயில் இருக்கும் என்றும் அதன் பிறகு படிப்படியாக குறையும் என்றும் கூறப்படுகிறது.