சர்கார் படத்தின் வெளிநாட்டு விமர்சனம்!

சர்கார் படம் தீபாவளி தினமான நாளை ரிலீசாகிறது. அதிகாலை காட்சியை களைகட்ட இரவு முதலே ரசிகர்கள் தியேட்டர்களில் படையெடுக்க துவங்கிவிட்டனர். அமெரிக்கா உள்ளிட்ட வெளிநாடுகளில் படம் இன்றே வெளியாகி நல்ல வரவேற்பை பெற்று வருகிறது. ட்விட்டரில் வெளிநாட்டு ரசிகர்கள் சர்கார் படத்தை பற்றிய விமர்சனத்தை எழுதியுள்ளனர்.

ஐக்கிய அரபு அமீரகத்தின் சென்சார் போர்டில் இருக்கும் ஒருவர் சர்கார் படத்தை பார்த்துவிட்டு விமர்சனம் கூறியுள்ளார்.

“விஜய் என்ட்ரி சீன் பைசா வசூல். I am a Corporate Criminal ! – வசனம் தெறிக்கிறது. சண்டைக்காட்சிகள், பன்ச் வசனங்கள் மாஸாக இருக்கிறது. படம் தீபாவளி பிளாக்பஸ்டர். ரேட்டிங்: 4/5” என அவர் சர்கார் பற்றி கூறியுள்ளார்.

“மசாலா காட்சிகள் அதிகம் இருந்தாலும் படம் நல்ல கருத்து சொல்கிறது” என அவர் மேலும் குறிப்பிட்டுள்ளார்.

அதே போன்று அமெரிக்காவிலிருக்கும் விஜய் ரசிகர் ஒருவர், ஒரு விரல் புரட்சி நிச்சயம் தமிழக அரசியலில் பெரிய புரட்சி செய்யும் என்றும் வாக்களிக்கும் ஒவ்வொரு குடிமகனும் இந்த படத்தை பார்க்க வேண்டும் என்றும், ஆக்‌ஷன் காட்சிகளில் விஜய் அனல் பறக்க விடுகின்றார் எனவும் தெரிவித்துள்ளனர்.