வேலைவாய்ப்பு
RRB NTPC UG CBT 2 தேர்வு தேதி 2025 அறிவிப்பு: ஹால் டிக்கெட், தேர்வு மையம் – முழு விவரங்கள்!
ரயில்வே ஆட்சேர்ப்பு வாரியம் (RRBs) CEN 06/2024 அறிவிப்பாணையின் கீழ் 12ஆம் வகுப்பு தகுதிக்கான NTPC ஆட்சேர்ப்பின் CBT 2 (இரண்டாம் கட்ட) தேர்வு தேதியை அதிகாரப்பூர்வமாக அறிவித்துள்ளது. அதன்படி, முதல் கட்டத்தில் தேர்ச்சி பெற்றவர்களுக்கு இரண்டாம் கட்ட CBT 2 தேர்வு டிசம்பர் 20, 2025 அன்று நடைபெற இருப்பதாக அறிவிக்கப்பட்டுள்ளது.
முதல் கட்ட முடிவுகள் & தேர்வர்கள் எண்ணிக்கை
NTPC 12th Pass முதல் கட்ட தேர்வு முடிவுகள் நவம்பர் 21 அன்று வெளியிடப்பட்டது.
இதில் தேர்ச்சி பெற்ற 51,979 தேர்வர்கள் இரண்டாம் கட்ட CBT 2க்கு தேர்வு செய்யப்பட்டுள்ளனர்.
தேர்வு முழுவதும் கணினி அடிப்படையிலான முறையில் நடைபெறும்.
தேர்வு நகரம் & தேதி அறிவிப்பு – எப்போது வெளியிடப்படும்?
தேர்வு தேதிக்கு 10 நாட்களுக்கு முன், தேர்வர்கள் தேர்வு நகரம் மற்றும் தேதியைச் சரிபார்க்க அனுமதிக்கும் லிங்க் வெளியிடப்படும்.
இத்துடன் SC/ST தேர்வர்களுக்கான இலவச பயண சான்றிதழ் (Free Travel Pass) அதே நாளில் இணையதளத்தில் கிடைக்கும்.
RRB NTPC CBT 2 ஹால் டிக்கெட் – எப்போது?
தேர்வுக்கு 4 நாட்களுக்கு முன்பு மின் அழைப்பு கடிதம் (e-Call Letter / Hall Ticket) பதிவிறக்கம் செய்யலாம்.
தேர்வு நகரம் மற்றும் தேதியைச் சரிபார்த்த பின்னரே ஹால் டிக்கெட் பதிவிறக்கம் செய்ய இயலும்.
ஆதார் அங்கீகாரம் கட்டாயம்
CBT 2 தேர்வில் பங்கேற்கும் ஒவ்வொரு தேர்வருக்கும் Aadhaar-based biometric verification கட்டாயம்.
தேர்வர்கள்:
அசல் ஆதார் அட்டை அல்லது
மின்-ஆதார் (mAadhaar) சரிபார்க்கப்பட்ட நகல்
எடுத்துச் செல்ல வேண்டும்.
UIDAI தளத்தில் தங்கள் ஆதார் விவரங்கள் புதுப்பிக்கப்பட்டுள்ளதா என்பதை முன்கூட்டியே சரிபார்க்குமாறு அறிவுறுத்தப்பட்டுள்ளது.
தவறான தகவல்களுக்கு எச்சரிக்கை
RRBs தனது அறிவிப்பில்,
“பணம் கொடுத்து வேலை வாங்குதல்”,
“போலி உறுதிமொழிகள்”
கொடுத்து மோசடி செய்ய முயலும் நபர்களிடம் விழிப்புணர்வுடன் இருக்குமாறு தேர்வர்களுக்கு எச்சரிக்கை விடுத்துள்ளது.
அதிகாரப்பூர்வ தகவல்களுக்கு RRB-களின் அதிகாரப்பூர்வ வலைத்தளங்களையே பார்க்குமாறு கேட்டுக் கொள்ளப்பட்டுள்ளது.
RRB NTPC UG 2025 – பணியிட விவரங்கள்
இந்த ஆண்டின் NTPC UG ஆட்சேர்ப்பு மூலம் மொத்தம் 3,445 காலியிடங்கள் நிரப்பப்படுகின்றன.
அதில் முக்கியமானவை:
வணிக & டிக்கெட் எழுத்தர் – 2,022
கணக்கு எழுத்தர் & தட்டச்சர் – 361
ஜூனியர் எழுத்தர் & தட்டச்சர் – 990
ரயில் எழுத்தர் – 72
