PF வட்டி வரவு தாமதம்: கோடிக்கணக்கான ஊழியர்களுக்கு மன உளைச்சல்!

நாடு முழுக்க கோடிக்கணக்கான ஊழியர்களுக்கு EPFO வட்டித் தொகை இன்னும் வரவில்லை என்பதால் பெரும் மன உளைச்சல் ஏற்பட்டுள்ளது.

2023-24 நிதியாண்டுக்கான 8.25% வட்டி விகிதம் பிப்ரவரி 2024இல் அறிவிக்கப்பட்டது. எனினும் மே 23, 2025 ஆகிய நிலவரப்படி, அந்த வட்டி தொகை உறுப்பினர்களின் கணக்குகளில் வரவிடப்படவில்லை. நிர்வாக தாமதங்களால் வட்டி கணக்கீடு செய்யப்படாமை காரணமாக, நாடு முழுவதும் ஊழியர்கள் அதிர்ச்சி அடைந்துள்ளனர்.

17 மாதங்களுக்கு மேலாக PF வட்டி பெறாமல் மக்கள் காத்திருக்கின்றனர். இந்நிலையில், வட்டி கணக்கீடு மற்றும் வரவு செலுத்தும் பணி வரும் வாரங்களில் நடக்கலாம் என EPFO தரப்பில் கூறப்படுகிறது.

மற்றொரு பக்கம், ஏப்ரல் மாதத்தில் புதியதாக வேலைக்கு சேர்ந்த பணியாளர்களுக்கு ₹3000 வரை நிதி EPFO கணக்கில் நேரடியாக மத்திய அரசால் செலுத்தப்பட்டுள்ளது. தொழில் உற்பத்தித் துறையில் முதல்முறையாக பணிக்கு சேரும் ஊழியர்களுக்கான பிஎஃப்ஓ சந்தா அரசால் ஏற்கப்படுகிறது.

அத்துடன், மாதம் ₹1 லட்சம் வரையிலான சம்பளத்தைப் பெறும் புதிய ஊழியர்களுக்கு ₹15,000 வரை அரசே பிஎஃப்ஓவில் நன்கொடை செலுத்தும் திட்டமும் நடைமுறையில் உள்ளது.

EPFO ஒரு பக்கம் வட்டி வரவை தாமதிக்க, மறுபக்கம் புதிய உறுப்பினர்களுக்கு நிதி வழங்குவதால் தற்போது எவ்வாறு முன்னுரிமை கொடுக்கப்படுகிறது என்பது கேள்விக்குறியாகியுள்ளது.