வணிகம்
ஓய்வூதியதாரர்களுக்கு புதிய நம்பிக்கை: 65 வயதில் கூடுதல் ஓய்வூதியம் வழங்க அரசு பரிசீலனை!
ஓய்வூதியதாரர்களுக்கு கூடுதல் ஓய்வூதியம் – வயது வரம்பு குறையுமா?
மத்திய அரசு ஓய்வூதியதாரர்களுக்கு ஒரு முக்கியமான மாற்றத்தை பரிசீலித்து வருகிறது. தற்போது, ஓய்வூதியதாரர்களுக்கு கூடுதல் ஓய்வூதியம் 80 வயது முதல் வழங்கப்படுகிறது. ஆனால், ஊழியர் சங்கங்களும், நாடாளுமன்ற நிலைக்குழுவும், இந்த வயது வரம்பை 65 ஆக குறைக்க வேண்டும் என்று நீண்ட நாட்களாக கோரிக்கை விடுத்து வருகின்றன.
தற்போதைய விதிகள்:
80 வயதில் – 20% கூடுதல் ஓய்வூதியம்
85 வயதில் – 30%
90 வயதில் – 40%
95 வயதில் – 50%
100 வயதில் – 100%
புதிய கோரிக்கை:
ஊழியர் சங்கங்களும் நாடாளுமன்றக் குழுவும், கூடுதல் ஓய்வூதியம் 65 வயதிலிருந்தே தொடங்க வேண்டும் என்று வலியுறுத்தியுள்ளன. அதன்படி, பரிந்துரைக்கப்பட்ட புதிய மாதிரி:
65 வயதில் – 5% கூடுதல் ஓய்வூதியம்
70 வயதில் – 10%
75 வயதில் – 15%
80 வயதில் – 20%
அதன்பின் தற்போதைய விகிதங்கள் தொடரும்.
8வது ஊதியக்குழுவில் நம்பிக்கை
இந்த பரிந்துரைகள் அனைத்தும் 8வது ஊதியக்குழுவில் முக்கியமாக எடுத்துக்கொள்ளப்படும் என எதிர்பார்க்கப்படுகிறது. இதன் மூலம் ஓய்வூதியதாரர்களுக்கு அதிக நிதி நிம்மதி கிடைக்கும் வாய்ப்பு உள்ளது.
