ஆன்மீகம்
புதன் வக்ர பெயர்ச்சி 2026: ஜூன் 29 முதல் இந்த 4 ராசிக்காரர்கள் கவனம்! வேலை, பணம், குடும்பத்தில் சவால்கள்!
புதன் வக்ர பெயர்ச்சி 2026: ஜூன் 29 முதல் இந்த 4 ராசிக்காரர்கள் எச்சரிக்கையாக இருக்க வேண்டிய காலம்!
ஜோதிட சாஸ்திரத்தில் ஒவ்வொரு கிரகமும் குறிப்பிட்ட கால இடைவெளியில் ராசி மாற்றம் செய்வதுடன், சில நேரங்களில் வக்கிர நிலையையும் அடைகின்றன. இந்த வக்கிர இயக்கம் சில ராசிக்காரர்களின் வாழ்க்கையில் சவால்களையும், தாமதங்களையும் உருவாக்கும் என்று ஜோதிட நிபுணர்கள் கூறுகின்றனர்.
அந்த வகையில், ஜூன் 29ஆம் தேதி இரவு 10.45 மணிக்கு புதன் பகவான் கடக ராசியில் வக்கிர (வக்ர) நிலைக்கு செல்கிறார். இந்த பெயர்ச்சியின் தாக்கத்தால் குறிப்பாக மிதுனம், கன்னி, தனுசு மற்றும் மீனம் ராசிக்காரர்கள் கூடுதல் கவனத்துடன் செயல்படுவது நல்லது எனக் கூறப்படுகிறது.
மிதுனம்
புதன் உங்கள் ராசிக்கு இரண்டாம் வீட்டில் வக்கிரமாக இருப்பதால், பணியிடத்தில் சவால்கள் அதிகரிக்கலாம். சக ஊழியர்கள் மற்றும் உடன்பிறந்தவர்களுடன் கருத்து வேறுபாடுகள் ஏற்பட வாய்ப்புள்ளது.
உயர் அதிகாரிகளுடன் பேசும் போது பொறுமையுடன் நடந்து கொள்ளுங்கள். புதிய வேலை, தொழில் தொடங்குவது அல்லது முக்கிய முடிவுகளை எடுப்பதை சிறிது காலம் ஒத்திவைப்பது நல்லது. குடும்ப விஷயங்களிலும் தாமதங்கள் மற்றும் தடைகள் ஏற்படலாம்.
கன்னி
கன்னி ராசிக்காரர்களுக்கு புதன் 11-வது வீட்டில் வக்கிரமாக இருப்பதால் பணிச்சுமை அதிகரிக்கும். கூடுதல் பொறுப்புகள் காரணமாக மன அழுத்தம் ஏற்படலாம்.
தொழில் மற்றும் வணிகத்தில் அவசர முடிவுகளை தவிர்க்க வேண்டும். தேவையற்ற விவாதங்களில் ஈடுபடாமல் இருப்பது நல்லது. மாணவர்கள் படிப்பில் கூடுதல் கவனம் செலுத்த வேண்டும். திடீர் செலவுகள் அதிகரிக்கக்கூடும் என்பதால் ஆடம்பரச் செலவுகளை கட்டுப்படுத்துவது அவசியம். தொழில் கூட்டாளிகளுடன் வெளிப்படையான அணுகுமுறையை கடைப்பிடிக்க வேண்டும்.
தனுசு
தனுசு ராசிக்கு எட்டாம் வீட்டில் புதன் வக்கிரமாக இருப்பதால் தொழில் மற்றும் நிதி தொடர்பான விஷயங்களில் பொறுமை அவசியம்.
அவசர முதலீடுகள் அல்லது பங்குச்சந்தை முதலீடுகளை தவிர்ப்பது நல்லது. பழைய கடன் பிரச்சினைகள் மீண்டும் தலைதூக்கலாம். குடும்பத்தில் சிறிய கருத்து வேறுபாடுகள் உருவாகலாம். இருப்பினும், உடன்பிறந்தவர்களின் ஆதரவு கிடைக்கும்.
மீனம்
மீன ராசிக்காரர்களுக்கு ஐந்தாம் வீட்டில் புதன் வக்கிரமாக இருப்பதால் செலவுகள் அதிகரிக்கலாம். வரவு-செலவுத் திட்டத்தில் கவனம் தேவை.
பணியிடத்தில் மன அழுத்தம் ஏற்பட வாய்ப்புள்ளது. யாரையும் கண்மூடித்தனமாக நம்பாமல் இருப்பது நல்லது. தேவையற்ற செலவுகளைக் குறைத்து, முதலீடுகளில் எச்சரிக்கையுடன் செயல்பட வேண்டும். குறிப்பாக பங்குச்சந்தை முதலீடுகளை இந்த காலகட்டத்தில் தவிர்ப்பது நல்லது.
