கமல் தயாரிப்பில் விஜய், சூர்யா நடிப்பது உண்மையா?

கமல்ஹாசன் தயாரிப்பில் நடிகர் விஜய் மற்றும் சூர்யா நடிக்க இருப்பதாக தகவல்கள் வெளியாகியுள்ள நிலையில் இந்த தகவல்கள் முழுக்க முழுக்க வதந்தி என்று ஒருசிலரால் கூறப்பட்டு வருகிறது.

உலக நாயகன் கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனத்தின் தயாரிப்பில் பல திரைப்படங்கள் வரிசையாக தயாரிக்கப்பட இருப்பதாகவும் அதில் ஒன்று விஜய் படம் ஒன்றும் கூறப்படுகிறது. அதேபோல் சூர்யா நடிக்கும் படத்தையும் கமல்ஹாசன் தயாரிக்க உள்ளதாக கூறப்படுகிறது.

ஆனால் அதே நேரத்தில் கமல்ஹாசன் உண்மையிலேயே விஜய் சூர்யா ஆகியோர்களை வைத்து படம் தயாரிக்க உள்ளாரா என்பது குறித்த சந்தேகத்தை கோலிவுட் திரையுலகினர் எழுப்பியுள்ளனர்.

டந்த சில நாட்களுக்கு முன்னர் ஆர்யா நடிக்கும் படத்தை கமல்ஹாசன் தயாரிக்க இருப்பதாக கூறப்பட்டது. ஆனால் சம்பள விவகாரத்தில் கருத்து வேறுபாடு ஏற்பட்டதால் இந்த படம் டிராப் ஆனது.

ஆர்யாவின் சம்பளத்தை கொடுக்க மறுக்கும் கமல்ஹாசன், எப்படி விஜய் போன்ற பெரிய நடிகர்களின் சம்பளத்தை கொடுப்பார் என்ற கேள்வி தற்போது எழுந்துள்ளது. எனவே கமல்ஹாசன் தயாரிப்பில் விஜய், சூர்யா நடிப்பது சந்தேகமே என்று கூறப்பட்டு வருகிறது.

ஏற்கனவே பிக் பாஸ் தர்ஷன் நடிக்கும் திரைப்படத்தை தயாரிக்க உள்ளதாக கமல்ஹாசன் அறிவித்துவிட்டு அதன் பிறகு அந்த படம் குறித்த எந்த அறிவிப்பையும் வெளியிடாமல் உள்ளார் என்பது குறிப்பிடத்தக்கது.