சினிமா செய்திகள்
கமல்ஹாசனின் அடுத்த படம் ‘மருதநாயகம்’ தான்: ‘விக்ரம்’ விழாவில் முடிவு
கமலஹாசனின் ‘விக்ரம்’ திரைப்படத்தின் இசை வெளியீட்டு விழா நேற்று நடைபெற்ற நிலையில் இந்த விழாவுக்கு மிகப்பெரிய ஆதரவு கிடைத்துள்ளது. மேலும் இந்த படம் கேஜிஎப் மற்றும் ஆர்.ஆர்.ஆர் போல மிகப்பெரிய வசூலை தரும் என்றும் எதிர்பார்க்கப்படுகிறது.
இந்தநிலையில் கமல்ஹாசனின் நீண்ட நாள் கனவான மருதநாயகம் படத்தை விக்ரம் படம் ரிலீஸுக்கு பின்னர் தொடங்க கமல் ஹாசன் திட்டமிட்டுள்ளதாக கூறப்படுகிறது. இது குறித்து மிகப் பெரிய நிறுவனம் ஒன்றுடன் கமலஹாசன் பேச்சுவார்த்தை நடத்தி முடித்து விட்டதாகவும் இந்த படத்தை மீண்டும் தொடங்க கமல் ஹாசன் திட்டமிட்டுள்ளதாகவும் தெரிகிறது.
இந்த நிலையில் மருதநாயகம் படத்தை முதலில் இருந்து தொடங்க போவதாகவும் கமல்ஹாசன் கேரக்டரில் வேறு ஒரு நடிகர் நடிக்க போவதாக கூறப்பட்ட நிலையில் தற்போது அவர் அந்த முடிவை மாற்றி கமல் ஹாசனே தொடர்ந்து நடிக்க இருப்பதாக கூறப்படுகிறது.