ஜோதிகா ரேவதியின் அதிரடி ஜாக்பாட் டிரைலர்!

பிரபுதேவா, ஹன்சிகா, ரேவதி நடிப்பில் உருவான குலேபகாவலி படத்தை இயக்கிய கல்யாண் இயக்கத்தில் உருவாகியுள்ள ஜோதிகா, ரேவதியின் ஜாக்பாட் பட டிரைலர் ரிலீசாகி உள்ளது.

நூறு கபாலி, ஆயிரம் பாட்ஷா என பல பஞ்ச் டயலாக்குகளை ஜோதிகா இந்த படத்தின் டிரைலரில் அநாயசமாக பேசி நடித்துள்ளார். மேலும், அந்த சந்திரமுகி டயலாக் எல்லாம் செம்ம எண்டர்டெயின்மெண்ட்.

போலீஸ், நர்ஸ் என பல வேடங்கள் போட்டு, திருடும் கும்பலுக்கு தலைவியாக ஜோதிகாவும், அவருக்கு உதவும் நபராக ரேவதியும் அட்டகாசம் செய்கின்றனர்.

மேலும், மன்சூர் அலிகான், ஆனந்தராஜ், யோகிபாபு, மொட்டை ராஜேந்தர் என காமெடிக்கு பஞ்சம் இல்லாமல் டிரைலர் செல்கிறது.

சூர்யா தயாரிப்பில் உருவாகியுள்ள இந்த படமாவது ஜோதிகாவுக்கு நல்ல வெற்றியை கொடுக்குமா என பொறுத்திருந்து பார்ப்போம்.