மத்திய அரசு ஊழியர்களுக்கு சந்தோஷம் தரும் செய்தி: 8வது ஊதியக் குழுவால் அடிப்படை சம்பளத்தில் பெரும் உயர்வு!

புதுடெல்லி:
மத்திய அரசு ஊழியர்கள் பல ஆண்டுகளாக எதிர்பார்த்து வந்த 8வது ஊதியக் குழு அமைப்புக்கு மத்திய அமைச்சரவை சமீபத்தில் ஒப்புதல் வழங்கியுள்ளது. ஊழியர்களின் ஊதியம், ஓய்வூதியம் மற்றும் பல நலவாரியான நிவாரணங்களை மதிப்பீடு செய்து திருத்துவது இதன் முக்கிய நோக்கம்.

தற்போது மத்திய அரசு ஊழியர்களுக்கான அடிப்படை ஊதியம் ₹18,000 ஆகவும், அகவிலைப்படி 55% ஆகவும் நிர்ணயிக்கப்பட்டுள்ளது. 8வது ஊதியக் குழு அமலுக்கு வந்தவுடன், இந்த அடிப்படை சம்பளத்தில் பெரும் உயர்வு நிகழும் என நம்பப்படுகிறது.

தகவல்களின்படி, புதிய பரிந்துரைகளின் அடிப்படையில், குறைந்தபட்ச சம்பளம் ₹51,480 ஆக உயர வாய்ப்புள்ளது. அதோடு, ‘ஃபிட்மெண்ட் காரணி’ (Fitment Factor) எனப்படும் கூடுதல் பலனாக, 7வது ஊதியக் குழுவில் வழங்கப்பட்ட 2.57% உயர்வுடன் ஒப்பிடும்போது, இந்த முறை 2.86% வரை அதிகரிக்கலாம் எனத் தெரிவிக்கப்படுகிறது.

இந்த பரிந்துரைகள் ஏற்கப்பட்டால், ஊழியர்களின் சம்பளத்தில் மட்டும் இல்லாமல், ஓய்வூதியம், பிஎஃப் பங்களிப்பு, வருங்கால வைப்பு நிதி, பணிக்கொடை போன்ற பல நலன்களிலும் கூடுதல் வருவாய் கிடைக்கும் என்பதால், ஊழியர்களிடம் பெரும் எதிர்பார்ப்பு உருவாகியுள்ளது.