அளவுக்கு மீறினால் வைட்டமின் மாத்திரைகள் விஷமாகும்: இதயம், கல்லீரல், நரம்பு பிரச்சனைகளுக்கு காரணமாகும்!

உடலுக்கு தேவையான அனைத்து வைட்டமின்களும் ஆரோக்கியம் மேம்பட உதவுகின்றன. ஆனால், அளவுக்கு மீறி வைட்டமின் மாத்திரைகளை எடுத்துக்கொள்ளும்போது, அது பலரின் ஆரோக்கியத்துக்கு தீங்கு விளைவிக்கக் கூடும். சமீபத்திய ஆய்வுகள் மூலம், மிகை வைட்டமின்கள் உடலில் கடுமையான பிரச்சனைகளை உருவாக்குவதாக தெரியவந்துள்ளது.

அதிகப்படியான வைட்டமின்களால் உண்டாகும் அபாயங்கள்:

• வைட்டமின் ஏ: கண் ஆரோக்கியம் மற்றும் நரம்பியல் பிரச்சனைகளை குணமாக்குகிறது. ஆனால், அதிகமாக எடுத்தால், கல்லீரல் சேதம் மற்றும் நுரையீரல் புற்றுநோய் அபாயம் ஏற்படும்.
• வைட்டமின் பி-6: நோய் எதிர்ப்பு சக்தி மற்றும் உடல் எரிசக்திக்குத் தேவையானது. தினசரி 100 மில்லிகிராமைத் தாண்டினால், நரம்புகளுக்குச் சேதம், தோல் நோய்கள் மற்றும் இதய நோய் அபாயம் அதிகரிக்கும்.
• வைட்டமின் சி: நோய் எதிர்ப்பு சக்தியை மேம்படுத்தும், ஆனால் அதிகமாக எடுத்தால் சிறுநீரக கற்களை உருவாக்கும் அபாயம் உள்ளது.
• வைட்டமின் ஈ: இதய நோய் மற்றும் புற்றுநோய்களை தடுக்க உதவுகிறது. ஆனால், அதிக அளவில் எடுத்தால் இதய நோய் மற்றும் புற்றுநோய் அபாயம் ஏற்படலாம்.

ஆரோக்கிய நிபுணர்களின் ஆலோசனை:
மல்டிவைட்டமின்கள் மாத்திரைகளை டாக்டரின் ஆலோசனையின்றி எடுத்துக் கொள்ளக் கூடாது. உணவின் மூலம் இயற்கையான முறையில் வைட்டமின்களைப் பெறுவது நல்லது. அவ்வாறு செய்ய இயலாத நிலைகளில் மட்டுமே மருத்துவர் பரிந்துரையின் அடிப்படையில் மாத்திரைகளை எடுத்துக்கொள்ள வேண்டும்.

உயர் சுகாதார நன்மைகள் பெற வேண்டுமா?

• உணவில் பச்சை காய்கறிகள், பழங்கள், தானியங்கள் மற்றும் தானியங்களின் உட்கருக்களை சேர்க்க வேண்டும்.
• தினசரி உடல் உழைப்பு மற்றும் சீரான உணவு பழக்கத்துடன் ஆரோக்கியமான வாழ்க்கை முறையை பின்பற்ற வேண்டும்.