சினிமா செய்திகள்
தனுஷின் ‘திருச்சிற்றம்பலம்’ ரிலீஸ் தேதி அறிவிப்பு: அதே தேதியில் சிம்பு படம் ரிலீஸா?
தனுஷ் நடித்த ‘திருச்சிற்றம்பலம்’ திரைப்படத்தின் படப்பிடிப்பு முடிவடைந்து தொழில்நுட்ப பணிகள் தற்போது நடந்து வருவதாக செய்திகள் வெளியான நிலையில் இந்த படத்தின் தயாரிப்பு நிறுவனமான சன் பிக்சர்ஸ் நிறுவனம் சற்றுமுன் ‘திருச்சிற்றம்பலம்’ திரைப்படத்தின் ரிலீஸ் தேதியை அறிவித்து உள்ளது.
சுதந்திர தினத்தை அடுத்து வரும் விடுமுறை நாளான கார்த்திகை தீபத்திற்கு முந்தைய நாள் ஆகஸ்ட் 18-ஆம் தேதி ‘திருச்சிற்றம்பலம்’ திரைப்படம் ரிலீஸ் ஆக இருப்பதாக அறிவிக்கப்பட்டுள்ளது.
ஆகஸ்ட் 19ஆம் தேதி கார்த்திகை தீபத்திருநாள் விடுமுறை அதனை அடுத்து வரும் சனி ஞாயிறு விடுமுறை தினம் என்பதால் இந்த படத்தின் ஆரம்ப வசூல் அபாரமாக இருக்கும் என்று எதிர்பார்க்கப்படுகிறது .
தனுஷ், ராஷி கண்ணா, நித்யா மேனன், ப்ரியா பவானிசங்கர், பிரகாஷ்ராஜ், பாரதிராஜா உட்பட பலரது நடிப்பில் உருவான இந்தப் படத்தை மித்ரன் ஜவஹர் இயக்கியுள்ளார். நீண்ட இடைவேளைக்கு பிறகு தனுஷ் படத்திற்கு அனிருத் இசையமைத்துள்ளார் என்பது குறிப்பிடத்தக்கது.
இந்த நிலையில் ‘திருச்சிற்றம்பலம்’ திரைப்படம் ரிலீஸாகும் அதே தினத்தில் சிம்பு நடித்த ‘வெந்து தணிந்தது காடு’ என்ற படத்தின் ரிலீஸ் தேதி அறிவிக்கப்படலாம் என்று கூறப்படுகிறது.