சினிமா செய்திகள்
நடிகர் ராமராஜனுக்கு என்ன ஆச்சு? தீயாய் பரவும் வதந்தியால் பரபரப்பு!
கடந்த 2000ம் ஆண்டுகளில் தமிழ் திரையுலகில் பிரபலமாக இருந்த நடிகர் ராமராஜன் உடல்நிலை குறித்த வதந்தி ஒன்று இணையதளங்களில் மிக வேகமாக பரவி வரும் நிலையில் இதுகுறித்து ராமராஜன் தரப்பினர் விளக்கம் அளித்துள்ளனர்.
கடந்த சில ஆண்டுகளாக திரையுலகில் இருந்து விலகி இருக்கும் ராமராஜன் முழு ஓய்வு எடுத்து வருகிறார் என்பதும் அவ்வப்போது அவரது உடல்நிலை குறித்து வதந்திகள் பரவி இணைய தளங்களில் பெரும் பரபரப்பை ஏற்படுத்தி வருகிறது என்பது குறிப்பிடத்தக்கது.
இந்த நிலையில் நடிகர் ராமராஜன் உடல் நிலை பாதிக்கப்பட்டு மருத்துவமனையில் அனுமதிக்கப்பட்டுள்ளதாகவும் அவரது உடல்நிலை கவலைக்கிடமாக இருப்பதாகவும் சமூகவலைதளங்களில் வதந்தி ஒன்று மிக வேகமாக பரவி வருகிறது.
இந்த நிலையில் ராமராஜன் தரப்பில் இருந்து இதற்கு மறுப்பு தெரிவிக்கப்பட்டுள்ளது. ராமராஜன் நல்ல உடல்நலத்துடன் இருக்கிறார் என்றும் அவரது அவரது உடல்நிலை குறித்து பரவிவரும் வதந்தி முழுக்க முழுக்க பொய்யானது என்றும் அதில் குறிப்பிடப்பட்டுள்ளது.
ஏற்கனவே ராமராஜன் மட்டுமின்றி செந்தில், கவுண்டமணி, உள்பட பல பிரபல நடிகர்களின் உடல்நிலை குறித்து அடிக்கடி வதந்திகள் இணையதளங்களில் வைரலாகி வருகிறது என்பது குறிப்பிடத்தக்கது.
நடிகர் சித்தார்த் காலமாகி விட்டதாக கூட யூடியூபில் ஒருசில வீடியோ வெளியிட்டு இருந்தனர் என்பது குறிப்பிடத்தக்கது. பிரபலங்கள் குறித்து அடிக்கடி இவ்வாறு வதந்திகள் வெளியாகி வருவது வருவதை தடுக்க தக்க நடவடிக்கை எடுக்க வேண்டும் என்ற கோரிக்கை எழுந்து வருகிறது என்பது குறிப்பிடத்தக்கது.