சினிமா
Money is Injurious to The World: பிச்சைக்காரன் 2 டிரைலர் அப்டேட்டை வெளியிட்ட விஜய் ஆண்டனி!
நடிகர் விஜய் ஆண்டனி நடித்து இயக்கி உள்ள பிச்சைக்காரன் 2 திரைப்படத்தின் டிரைலர் நாளை வெளியாக உள்ளதாக அதிகாரப்பூர்வ அறிவிப்பை எச்சரிக்கை மெசேஜ் உடன் விஜய் ஆண்டனி தனது ட்விட்டர் பக்கத்தில் வெளியிட்டு பரபரப்பை கிளப்பி உள்ளார்.
இயக்குநர் சசி இயக்கத்தில் வெளியான பிச்சைக்காரன் 2 திரைப்படம் ரசிகர்கள் மத்தியில் மிகப்பெரிய தாக்கத்தை ஏற்படுத்தியது.
#image_title
பெரும் கோடீஸ்வரரான விஜய் ஆண்டனி அம்மாவின் உயிரை காப்பாற்ற ஒரு மண்டலம் பிச்சைக்காரனாக இருக்க நேரிடும் கதையில், நாட்டில் நடக்கும் அநியாயங்களை தட்டிக் கேட்டிருப்பார்.
இந்நிலையில், பிச்சைக்காரன் 2 படத்தின் அறிவிப்பு வெளியானதில் இருந்தே ஆண்டிபிகிலி ஹாஷ்டேக் செம டிரெண்டானது. மேலும், படத்தில் நடிப்பது மட்டுமின்றி தானே இயக்கப் போவதாகவும் அறிவித்து ஹைப்பை எகிற வைத்துள்ளார் விஜய் ஆண்டனி.
#image_title
சமீபத்தில் பிச்சைக்காரன் 2 படத்தின் கிளைமேக்ஸ் காட்சிக்காக ஸ்கை ஜெட்டில் நாயகியுடன் விஜய் ஆண்டனி நடித்துக் கொண்டிருக்கும் நிலையில், எதிர்பாராத விதமாக விஜய் ஆண்டனியின் போட் இன்னொரு போட் மீது மோதியதில் முகம் உள்ளிட்ட பகுதிகளில் விஜய் ஆண்டனிக்கு பலத்த அடி ஏற்பட்டது.
சுயநினைவையே அவர் இழக்க நேரிடலாம் என பரபரப்பு தகவல்கள் வெளியான நிலையில், நான் நலமுடன் இருக்கிறேன் என தம்ஸ் அப் கையை மட்டும் காட்டியதும் முகத்தை காட்டலையே இன்னும் சரியாகவில்லையா என ரசிகர்கள் துடித்துப் போனார்கள். இந்நிலையில், விஜய் ஆண்டனியின் பிச்சைக்காரன் 2 படத்தின் முதல் 4 நிமிட ஸ்நீக் பீக் காட்சிகள் டிரைலராக வெளியாக நாளை மாலை 5மணிக்கு வெளியாக உள்ளதாக விஜய் ஆண்டனி அறிவித்துள்ளார். மேலும், ”Money is Injurious to The World”, ”பணம் உலகை காலி பண்ணிடும்” என்கிற வாசகத்தை பதிவிட்டு பணத்தால் உலகில் நடந்து வரும் கொடுமைகளை எச்சரித்து இருக்கிறார் விஜய் ஆண்டனி. இந்த படம் வரும் சம்மருக்கு ரிலீஸ் ஆகும் என அறிவித்துள்ளனர்.
