‘சூரரை போற்று’ இந்தி ரீமேக்கிலும் சூர்யா; மாஸ் புகைப்படம் வைரல்

சூர்யா நடித்த சூரரைப்போற்று என்ற திரைப்படம் மிகப் பெரிய வெற்றி பெற்ற நிலையில் தற்போது இந்த படத்தின் இந்தி ரீமேக் படப்பிடிப்பு நடைபெற்று வருகிறது. இந்த நிலையில் சூரரைப்போற்று ஹிந்தி ரீமேக்கில் சூர்யா நடித்து வருவதாக அறிவிக்கப்பட்டுள்ளது.

சுதா கொங்கரா இயக்கத்தில் சூர்யா நடிப்பில் உருவான சூரரைப்போற்று திரைப்படம் கடந்த 2020 ஆம் ஆண்டு வெளியாகி மிகப்பெரிய வெற்றி பெற்றது. இதனை அடுத்து இந்த படத்தின் ஹிந்தி ரீமேக்கில் அக்ஷய்குமார் நடிக்க ஒப்பந்தம் ஆனார் என்பதும் இந்த படத்தின் முதல் கட்ட படப்பிடிப்பு சமீபத்தில் முடிந்தது என்பதும் குறிப்பிடத்தக்கது.

இந்த நிலையில் சூரரைப்போற்று ஹிந்தி ரீமேக் படத்தின் இரண்டாவது கட்ட படப்பிடிப்பு தற்போது சென்னையில் நடைபெற்று வரும் நிலையில் இந்த படத்தில் தான் ஒரு சிறு கேரக்டரில் நடிப்பதாக சூர்யா தனது டுவிட்டர் பக்கத்தில் அறிவித்துள்ளார்.

அதுமட்டுமின்றி அக்ஷய் குமாருடன் இந்த படத்தின் கேரக்டர் கெட்டப்புடன் எடுத்த புகைப்படத்தையும் அவர் பதிவு செய்துள்ள நிலையில் இந்த புகைப்படம் தற்போது வைரலாகி வருகிறது.

ஜீவி பிரகாஷ் இசையில் உருவாகி வரும் இந்த படம் தமிழைப் போலவே இந்தியிலும் மிகப்பெரிய வெற்றியை பெறும் என்று எதிர்பார்க்கப்படுகிறது.

.@akshaykumar sir to see you as #VIR was nostalgic! @Sudha_Kongara can see our story beautifully coming alive again #Maara! Enjoyed every minute with team #SooraraiPottru Hindi in a brief cameo! @vikramix pic.twitter.com/ZNQNGQO2Fq

— Suriya Sivakumar (@Suriya_offl) June 15, 2022