முதல்வரும் வரவில்லை, உதயநிதியும் வரவில்லை: நயன் திருமணத்திற்கு வந்தது யார் தெரியுமா?

விக்னேஷ் சிவன் – நயன்தாரா திருமணத்திற்கு தமிழக முதலமைச்சர் முக ஸ்டாலின் வருவார் என்று எதிர்பார்க்கப்பட்டது. குறைந்தபட்சம் உதயநிதி ஸ்டாலின் வருவார் என்று எதிர்பார்க்கப்பட்ட நிலையில் இருவரும் வரவில்லை. ஆனால் உதயநிதி ஸ்டாலினின் மனைவி கிருத்திகா உதயநிதி இந்த திருமணத்தில் கலந்து கொண்ட வீடியோக்கள் இணையதளங்களில் வைரலாக வருகின்றன.

இயக்குனர் விக்னேஷ் சிவன் மற்றும் லேடி சூப்பர் ஸ்டார் நயன்தாரா திருமணம் இன்று காலை நடைபெற்றது. 20 சிவாச்சாரியார்களின் ஆசியுடன் மந்திரங்கள் முழங்க வெகு சிறப்பாக எந்தவித குறையும் இல்லாமல் இந்த திருமணம் நடைபெற்றதாக தெரிகிறது.

சூப்பர் ஸ்டார் ரஜினிகாந்த், ஷாருக்கான், அட்லி, டிடி, சூர்யா, கார்த்தி, போனிகபூர், சரத்குமார் உள்ளிட்ட பல பிரபலங்கள் இந்த நிகழ்ச்சியில் கலந்துகொண்டனர். கடந்த சில நாட்களுக்கு முன்னர் தமிழக முதல்வர் முக ஸ்டாலின் அவர்களை நேரில் சந்தித்த விக்னேஷ் சிவன் நயன்தாரா தங்களது திருமணத்திற்கு வருகை தருமாறு அழைப்பு விடுத்தனர். இதனால் முதலமைச்சர் இந்த திருமணத்தில் கலந்து கொள்வார் என்று எதிர்பார்க்கப்பட்டது. ஆனால் முதலமைச்சர் மு க ஸ்டாலின் மற்றும் உதயநிதி ஆகிய இருவருமே இந்த திருமணத்தில் கலந்து கொள்ளவில்லை.

ஆனால் அதே நேரத்தில் உதயநிதி ஸ்டாலினின் மனைவியும் இயக்குனருமான கிருத்திகா உதயநிதி இந்த திருமணத்தில் கலந்துகொண்டு மணமக்களுக்கு தனது வாழ்த்துக்களை தெரிவித்துள்ளார். இதுகுறித்த வீடியோக்கள் இணையதளங்களில் வைரலாகி வருகின்றன.