லெஜண்ட் சரவணன் படத்தில் குத்தாட்டம் ஆடியது இந்த பிரபல நடிகையா? ஆச்சரியத்தில் ரசிகர்கள்!

லெஜெண்ட் சரவணன் நடிப்பில் இயக்குனர் ஜேடி-ஜெர்ரி இயக்கத்தில் ஹாரிஸ் ஜெயராஜ் இசையில் உருவான திரைப்படம் ’லெஜன்ட்’ என்பது அனைவரும் அறிந்ததே. இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது என்பதும் சமீபத்தில் வெளியான இந்தப் படத்தின் மோஷன் போஸ்டர் மிகப்பெரிய அளவில் வைரல் ஆனது என்பது தெரிந்ததே.

இந்த நிலையில் இந்த படத்தில் ஒரு ஐட்டம் பாடல் இடம்பெற்றுள்ளதாக வெளியாகி இருக்கும் தகவல் பெரும் பரபரப்பை ஏற்படுத்தி உள்ளது. கடந்த சில வருடங்களாகவே முன்னணி நடிகர்களின் படங்களில் ஐட்டம் பாடல் இடம்பெற்றுவரும் நிலையில் தற்போது லெஜெண்ட் சரவணன் படத்திலும் ஐட்டம் பாடல் இடம் பெற்றுள்ளது

இந்த பாடலுக்கு குத்தாட்டம் ஆடியவர் பிரபல நடிகை ராய் லட்சுமி என்று செய்திகள் வெளியாகியுள்ளது. கலர்ஃபுல்லான செட் போடப்பட்டு அதில் லெஜெண்ட் சரவணன் மற்றும் ராய்லட்சுமி ஆடிய குத்தாட்டம் இந்த படத்தின் ஹைலைட்டாக இருக்கும் என்றும் படக்குழுவினர் தெரிவித்துள்ளனர்

இந்த பாடலுக்கு ராஜசுந்தரம் நடன இயக்குனராக பணியாற்றி உள்ளார் என்றும் இந்த பாடலை மிகவும் சிறப்பாக ஹாரிஸ் ஜெயராஜ் கம்போஸ் செய்துள்ளார் என்றும் படக்குழுவினர் தெரிவித்துள்ளனர்

தமிழ் உள்பட 5 மொழிகளில் வெளியாகும் இந்தப் படத்திற்கு வேல்ராஜ் ஒளிப்பதிவு செய்துள்ளார் என்பதும் ரூபன் படத்தொகுப்பு செய்துள்ளார் என்பதும் குறிப்பிடத்தக்கது