‘IPL-ல விளையாடுங்க; ஆனா, இதுக்கெல்லாம் நோ!’- வீரர்களுக்கு கட்டுப்பாடு விதித்த ஆஸி., கிரிக்கெட் வாரியம்

இன்னும் ஒரு சில மாதங்களில் இந்தியாவில் ஐபிஎல் 2021 தொடர் தொடங்க உள்ளது. இதில் ஆஸ்திரேலியாவைச் சேர்ந்த பல முன்னணி வீரர்கள் பங்கேற்க உள்ளார்கள். இந்நிலையில் தங்கள் நாட்டு வீரர்களுக்கு ஆஸ்திரேலிய கிரிக்கெட் வாரியம் பல்வேறு கட்டுப்பாடுகளை விதித்து உத்தவிட்டு உள்ளது.

‘ஆஸ்திரேலிய வீரர்கள் ஃபாஸ்ட் புட், மதுபானம், புகையிலை அல்லது சூதாட்டம் போன்றவற்றின் விளம்பரங்களுக்கு எந்தக் காரணம் கொண்டும் பயன்படுத்தபடக் கூடாது.

தொலைக்காட்சியிலோ, வானொலி வாயிலாகவோ, செய்தித் தாள் வழியாகவோ, இணையம் வழியாகவோ அல்லது மற்ற எந்த வகையிலும் மேற்குறிப்பிட்ட விஷயங்களுக்கான விளம்பரங்களில் ஆஸ்திரேலிய வீரர்கள் ஈடுபடுத்தபடக் கூடாது’ என்று இந்திய கிரிக்கெட் கட்டுப்பாட்டு வாரியமான பிசிசிஐ-க்கு ஆஸ்திரேலிய கிரிக்கெட் வாரியம் ஒரு கறார் அறிக்கையைக் கொடுத்துள்ளது.

ஐபிஎல் தொடரில் 14 வது சீசன் வரும் ஏப்ரல் மாதம் நடக்கும் என்று எதிர்பார்க்கப்படுகிறது. இந்த முறை நடந்த ஐபிஎல் ஏலத்தில் ஆஸ்திரேலிய அதிரடி பேட்ஸ்மேன் கிளென் மேக்ஸ்வெல்லும் மிக அதிக தொகை கொடுத்து எடுக்கப்பட்டார் என்பது குறிப்பிடத்தக்கது.