வணிகம்
8வது ஊதியக்குழு முக்கிய அப்டேட்: OPS மீட்பு பரிந்துரை – மத்திய அரசு ஊழியர்களுக்கான NC-JCM புதிய முடிவுகள்!
8வது ஊதியக்குழு (8th Pay Commission) குறித்து மத்திய அரசு ஊழியர்களுக்கான மிக முக்கியமான NC-JCM நிலைக்குழு கூட்டம் கடந்த சனிக்கிழமை நடைபெற்றது. இந்த கூட்டத்தில் ஊழியர்களையும் ஓய்வூதியதாரர்களையும் பாதிக்கும் பல முக்கிய பரிந்துரைகள் முன்வைக்கப்பட்டுள்ளன.
OPS மீட்புக்கு பரிந்துரை
கூட்டு ஆலோசனை அமைப்பின் தேசிய கவுன்சிலின் (NC-JCM) நிலைக்குழு உறுப்பினர்கள்,
8வது மத்திய ஊதியக்குழுவின் Terms of Reference (ToR)-ல் உள்ள பங்களிப்பு இல்லாத ஓய்வூதியத் திட்டத்தின் நிதிசெலவு (ToR f(iii)) என்ற பிரிவை நீக்க வேண்டும் என ஒருமித்துக் கோரிக்கை வைத்துள்ளனர்.
இதன் மூலம், பழைய ஓய்வூதியத் திட்டமான OPS மீட்பு சாத்தியம் அதிகரித்துள்ளதாக ஊழியர் அமைப்புகள் நம்புகின்றன.
கூட்டத்தின் முக்கிய அம்சங்கள்
நவம்பர் 15, 2025 அன்று புது தில்லியில் நடந்த இந்த கூட்டத்தில் NC-JCM தலைவர்கள் மற்றும் பல்வேறு துறைகளின் பிரதிநிதிகள் பங்கேற்றனர். அதிகாரப்பூர்வ அறிக்கையின் படி:
டிசம்பர் 15, 2025க்குள் அனைத்து அமைப்புகளும் தங்கள் பரிந்துரைகளைக் குழுவிற்கு சமர்ப்பிக்க வேண்டும்
பின்னர், இந்த பரிந்துரைகள் ஒருங்கிணைக்கப்பட்டு 8வது ஊதியக்குழுவில் சமர்ப்பிக்கப்படும்
முக்கியமாக 30 பிரிவுகளின் மீதான சீராய்வு நடத்தப்பட்டுள்ளது
முக்கிய பரிந்துரைகள்:
குறிப்பேடு தயாரிப்பதற்கான முக்கிய அம்சங்களில்:
குறைந்தபட்ச ஊதிய நிர்ணயம்
ஃபிட்மெண்ட் ஃபாக்டர் மாற்றம்
அதிகபட்ச ஊதிய வரம்பு
MACP & பதவி உயர்வு விதிகள்
HRA, அலவன்ஸ், போனஸ் மாற்றங்கள்
மத்திய அரசு ஊழியர் காப்பீட்டுத் திட்ட திருத்தம்
விடுப்பு கொள்கை திருத்தம்
இடமாற்றக் கொள்கை மாற்றங்கள்
OPS மீட்பு
01/01/2026 முன்னர் ஓய்வுபெற்றவர்களின் ஓய்வூதிய திருத்தம்
குடும்ப ஓய்வூதியம் உயர்த்துதல்
பணிக்கொடை / Gratuity மாற்றம்
OPS ஏன் முக்கிய விவாதமாகியுள்ளது?
நவம்பர் 4, 2025 அன்று 8வது Pay Commission ToR வெளியிடப்பட்டபோது,
மைய அரசு பங்களிப்பு இல்லாத ஓய்வூதியத் திட்டத்தின் நிதியில்லாத செலவை மதிப்பீடு செய்ய கூறியது. இதற்கு எதிர்ப்பு தெரிவித்து, ஊழியர் சங்கங்கள் OPS மீட்பை மீண்டும் வலியுறுத்துகின்றன.
ஏனெனில் OPS-ல் ஊழியர்கள் பங்களிப்பு செலுத்த தேவையில்லை, மேலும் ஓய்வூதியம் நிரந்தரமும் பாதுகாப்பானதாகும்.
8வது ஊதியக்குழுவின் நிலைமை
மத்திய அரசு 3 நவம்பர் 2025 அன்று 8வது ஊதியக்குழுவை அதிகாரப்பூர்வமாக அமைத்தது
18 மாதங்களுக்குள் பரிந்துரைகள் சமர்ப்பிக்க வேண்டும்
ஆணையத் தலைவர்: உச்ச நீதிமன்ற முன்னாள் நீதிபதி – ரஞ்சனா பிரகாஷ் தேசாய்
