வணிகம்
வட்டிவிகிதம் குறைப்பு: பேங்க் ஆஃப் பரோடா வீட்டு கடனுக்கு புதிய சலுகை – செயலாக்கக் கட்டணமும் ரத்து!
வீட்டுக் கடனுக்கு வட்டி விகிதம் குறைப்பு – வாடிக்கையாளர்களுக்கு பெரும் நன்மை!
இந்திய ரிசர்வ் வங்கியின் (RBI) சமீபத்திய ரெப்போ வட்டி விகிதக் குறைப்பைத் தொடர்ந்து, பேங்க் ஆஃப் பரோடா வீட்டு கடனுக்கான வட்டி விகிதத்தை 5 அடிப்படை புள்ளிகள் குறைத்து, 7.50% இலிருந்து 7.45% ஆக நிர்ணயித்துள்ளது. இது புதிய கடனாளர்களுக்கு மிகவும் பயனுள்ளதாக இருக்கும்.
மேலும், வீட்டுக் கடனுக்கான செயலாக்கக் கட்டணமும் முழுமையாக ரத்து செய்யப்படுவதாக வங்கி அறிவித்துள்ளது. இதன்மூலம் வீடு வாங்க விரும்பும் மக்களுக்கு கூடுதல் நிவாரணம் கிடைக்கும் என எதிர்பார்க்கப்படுகிறது.
இந்த வட்டி விகித மாற்றம் குறித்து பேங்க் ஆஃப் பரோடாவின் செயல் இயக்குநர் சஞ்சய் கூறும்போது,
“இந்த குறைப்பு, மக்களின் நிதி தேவைகளை நிவர்த்தி செய்யவும், வீட்டு கடன்களின் வளர்ச்சியை ஊக்குவிக்கவும் நோக்கமாகக் கொண்டது,” என தெரிவித்தார்.
மேலும், இந்த சலுகை குறிப்பிட்ட விதிமுறைகளின் கீழ், புதிய கடனாளர்களுக்கு மட்டுமே பொருந்தும். விரிவான தகவல்களுக்காக வங்கியின் அதிகாரப்பூர்வ இணையதளத்தைப் பார்க்கலாம்.
அத்துடன், மக்கள் நலனில் மேலும் ஒரு முக்கிய அறிவிப்பை வெளியிட்ட பஞ்சாப் நேஷனல் வங்கி, ஜூலை 1, 2025 முதல் சேமிப்பு கணக்குகளுக்கான குறைந்தபட்ச இருப்பு அபராதத்தை ரத்து செய்தது. கனரா வங்கி மற்றும் இந்தியன் வங்கியின் பின்னணியில், இது மூன்றாவது பொதுத்துறை வங்கியாகும்.
