அகமதாபாத் விமான விபத்து: ஏர் இந்தியாவுக்கு முழு ஆதரவு அளிக்க போயிங் நிறுவனம் உறுதி!

அகமதாபாத் விமான விபத்து குறித்து – ஏர் இந்தியாவுடன் தொடரும் நெருக்கமான இணைப்பு: போயிங் நிறுவனம்

குஜராத் மாநிலம் அகமதாபாத்திலுள்ள சர்தார் வல்லபாய் படேல் விமான நிலையத்தில் இருந்து இன்று மதியம் 1.38 மணிக்கு லண்டன் நோக்கி புறப்பட்ட ஏர் இந்தியா விமானம், புறப்பட்ட சில நிமிடங்களிலேயே குடியிருப்பு பகுதியில் விழுந்து தீப்பற்றியது.

விபத்தில் சிக்கிய விமானம் “போயிங் 787-8 ட்ரீம்லைனர்” வகையைச் சேர்ந்தது. இதில் 230 பயணிகள் மற்றும் 12 பணியாளர்கள் என மொத்தம் 242 பேர் இருந்தனர்.

பயணிகளின் தேசிய விவரம் படி:

• 169 பேர் இந்தியர்கள்

• 53 பேர் இங்கிலாந்து பிரஜைகள்

• 7 பேர் போர்ச்சுகல் நாட்டைச் சேர்ந்தவர்கள்

• 1 பயணி கனடாவைச் சேர்ந்தவர் என ஏர் இந்தியா தெரிவித்துள்ளது.

இந்த பயங்கர விபத்தின் பின்னணியில், போயிங் நிறுவனம் தனது எக்ஸ் (X) சமூக வலைதளத்தில் வெளியிட்டுள்ள அறிக்கையில்,

“இந்த துயரமான விமான விபத்து தொடர்பாக ஏர் இந்தியாவுடன் நாங்கள் தொடர்ந்தும் நெருக்கமான தொடர்பில் இருக்கிறோம். விமான விபத்தில் பாதிக்கப்பட்ட பயணிகள், பணியாளர்கள் மற்றும் அவர்களது குடும்பங்களுக்கு எங்கள் ஆழ்ந்த அனுதாபங்கள். ஏர் இந்தியாவுக்கு தேவையான அனைத்து தொழில்நுட்ப உதவிகளையும் வழங்க முழுமையாக தயார்.”
என்று தெரிவித்துள்ளது.

We are in contact with Air India regarding Flight 171 and stand ready to support them. Our thoughts are with the passengers, crew, first responders and all affected. pic.twitter.com/kYrdKyvl7z

— Boeing Airplanes (@BoeingAirplanes) June 12, 2025

விமான விபத்தின் காரணம் குறித்து விமான இயக்குநரகம் விசாரணை மேற்கொண்டு வருகிறது. இதற்கிடையே, உலகளவில் விமானத் துறையின் கவனமும் இவ்விபத்தில் சுட்டிக்காட்டப்படுகிறது.