பிற வங்கி ATM-களில் பணம் எடுத்தால் கட்டணம் அதிகரிப்பு – ஜூலை 1 முதல் புதிய விதிமுறைகள்!

ஜூலை 1 முதல் பிற வங்கி ATM-களில் பணம் எடுத்தால் கட்டணம் அதிகரிப்பு – இந்தியன் வங்கி புதிய அறிவிப்பு!

இந்தியன் வங்கி தனது வாடிக்கையாளர்களுக்கான ATM பரிவர்த்தனை கட்டணங்களில் மாற்றத்தை அறிவித்துள்ளது. ஜூலை 1, 2025 முதல் பிற வங்கிகளின் ATM-களில் இலவசமாக அனுமதிக்கப்பட்ட எண்ணிக்கையைத் தாண்டி பணம் எடுத்தால், புதிய கட்டணங்கள் அமலுக்கு வர உள்ளன.

ATM இலவச பரிவர்த்தனை வரம்பு:

• தங்கள் சொந்த வங்கியின் ATM-ல்: மாதத்திற்கு 5 இலவச பரிவர்த்தனைகள்.

• பிற வங்கியின் ATM-ல்:

  • பெருநகரங்களில் மாதத்திற்கு 3 முறைகள் இலவசம்.

  • கிராமப்புறங்களில் மாதத்திற்கு 6 முறைகள் இலவசம்.

கட்டண மாற்றம் என்ன?

இப்போதைய நிலுவையில், வாடிக்கையாளர்கள் இலவச பரிவர்த்தனை எண்ணிக்கையை கடந்தால் ரூ.21 + ஜிஎஸ்டி (ரூ.3.78) சேர்த்து, மொத்தம் ரூ.24.78 கட்டணம் வசூலிக்கப்படுகிறது.

ஜூலை 1 முதல், இந்த கட்டணம் ரூ.2 உயர்த்து ரூ.26.78 ஆகலாம் என வங்கி தகவல் தெரிவித்துள்ளது.

இதற்கு கூடுதலாக, பிற வங்கிகளின் ATM-களில் மேற்கொள்ளப்படும் நிதி அல்லாத சேவைகள் (non-financial transactions) மீதும் கட்டணம் மற்றும் ஜிஎஸ்டி வசூலிக்கப்படும் என தெரிவிக்கப்பட்டுள்ளது.

இந்த கட்டண உயர்வைத் தொடர்பாக இந்தியன் வங்கி வாடிக்கையாளர்களுக்கு குறுஞ்செய்தி மூலமாகவும் அறிவிப்பு அனுப்பியுள்ளது.