நாடாளுமன்ற உறுப்பினர்களின் சம்பளம், ஓய்வூதியம் உயர்வு – மத்திய அரசு வெளியிட்ட முக்கிய அறிவிப்பு!

மத்திய அரசு நடப்பு நாடாளுமன்ற உறுப்பினர்கள் மற்றும் ஓய்வுபெற்ற நாடாளுமன்ற உறுப்பினர்களின் சம்பளம், தினசரி கொடுப்பனவு, ஓய்வூதியம் மற்றும் கூடுதல் ஓய்வூதியத்தை உயர்த்தியதாக அதிகாரப்பூர்வமாக அறிவித்துள்ளது. இந்த புதிய விதிமுறைகள் 2023 ஏப்ரல் 1ஆம் தேதி முதல் அமலுக்கு வந்துள்ளதாக தெரிவிக்கப்பட்டுள்ளது.

 முக்கிய அறிவிப்பு – இரண்டாண்டிற்கான அரியர் தொகை!

🔹 நாடாளுமன்ற உறுப்பினர்களின் சம்பளம், தினசரி கொடுப்பனவு, ஓய்வூதியம், கூடுதல் ஓய்வூதியம் – அனைத்தும் அதிகரிக்கப்படும்.

🔹 இந்த உயர்வு 2023 ஏப்ரல் 1 முதல் நடைமுறைக்கு வருவதால், இரண்டாண்டிற்கான (2023-2025) குறித்த சம்பள உயர்வுக்கு அரியர் தொகையும் வழங்கப்படும்.
🔹 இந்த மாற்றம் 1954ஆம் ஆண்டு நாடாளுமன்ற உறுப்பினர்களின் சம்பள சட்டத்தின் கீழ் அமல்படுத்தப்பட்டுள்ளது.
🔹 1961ஆம் ஆண்டு வருமான வரி சட்டத்தின் அடிப்படையில் செலவுகளின் பணவீக்கம் கணக்கில் எடுத்துக்கொள்ளப்பட்டுள்ளது.

 புதிய சம்பள உயர்வு விவரம்:

✅ சம்பளம்:
மக்களவை மற்றும் மாநிலங்களவை உறுப்பினர்களின் தற்போதைய மாத சம்பளம் ரூ.1,00,000 ஆக உள்ளது. இது ரூ.1,24,000 ஆக உயர்த்தப்பட்டுள்ளது.

✅ தினசரி கொடுப்பனவு:
நாடாளுமன்ற உறுப்பினர்களுக்கு வழங்கப்படும் தினசரி கொடுப்பனவு -ரு.2,000 இருந்து ரூ.2,500 ஆக உயர்த்தப்பட்டுள்ளது.

✅ ஓய்வூதியம்:
முன்னாள் நாடாளுமன்ற உறுப்பினர்களின் மாத ஓய்வூதியம் ரூ.25,000 ஆக உள்ளது. இது ரூ.31,000 ஆக உயர்த்தப்பட்டுள்ளது.

✅ கூடுதல் ஓய்வூதியம்:
முன்னாள் நாடாளுமன்ற உறுப்பினர்களுக்கு ஒவ்வொரு ஆண்டின் சேவைக்காக வழங்கப்படும் கூடுதல் ஓய்வூதியம் ரூ.2,000 இருந்து ரூ.2,500 ஆக உயர்த்தப்பட்டுள்ளது.

 மத்திய அரசின் புதிய அறிவிப்பு மூலம் நாடாளுமன்ற உறுப்பினர்களுக்கு மிகப்பெரிய ஊதிய மாற்றம் கிடைத்துள்ளது. இது எதிர்கால அரசியல் பணிக்கு உறுதுணையாக இருக்கும் எனக் கூறப்படுகிறது!