8வது ஊதியக்குழு அரியர்: ஊழியர்களுக்கு எவ்வளவு தொகை கிடைக்கும்? கணக்கீடு என்ன?

மத்திய அரசு ஊழியர்கள் தற்போது அதிகமாக எதிர்பார்த்து காத்திருப்பது 8வது ஊதியக்குழு (8th Pay Commission) அமல்படுத்தப்படுவதை தான். 10 ஆண்டுகளுக்கு ஒருமுறை புதிய ஊதியக்குழு அமல்படுத்தப்படும் என்ற நடைமுறையின் படி, 2026 ஜனவரி 1 முதல் 8வது ஊதியக்குழு நடைமுறைக்கு வரலாம் என்று எதிர்பார்க்கப்படுகிறது.

ஆனால் நடைமுறை அமலாக்கத்தில் தாமதம் ஏற்பட்டால், உண்மையான சம்பள உயர்வு 2027 ஜனவரி மாதம் முதல் வழங்கப்படலாம் என கூறப்படுகிறது. இதனால் 2026 ஜனவரி முதல் 2027 ஜனவரி வரை உள்ள 12 மாதங்களுக்கான நிலுவைத் தொகை (Arrears) மத்திய அரசு ஊழியர்களுக்கு வழங்கப்படும் வாய்ப்பு உள்ளது.

அரியர் தொகை எவ்வாறு கணக்கிடப்படுகிறது?

8வது ஊதியக்குழு அரியர் தொகை கணக்கிடும் முறை மிகவும் எளிமையானது.

அரியர் தொகை = (புதிய அடிப்படை ஊதியம் – பழைய அடிப்படை ஊதியம்) × மாதங்களின் எண்ணிக்கை + (DA, HRA மற்றும் பிற கொடுப்பனவுகளில் உள்ள வேறுபாடு)

இந்த தொகை ஊழியர்களின்

• கிரேட் பே

• அடிப்படை ஊதியம்

• ஃபிட்மென்ட் ஃபாக்டர்

போன்றவற்றை அடிப்படையாக கொண்டு மாறுபடும்.

ஃபிட்மென்ட் ஃபாக்டர் எவ்வளவு இருக்கும்?

8வது ஊதியக்குழுவில் ஃபிட்மென்ட் ஃபாக்டர் சுமார் 2.86 முதல் 3.0 வரை இருக்கலாம் என்று மதிப்பிடப்படுகிறது.

ஊழியர் சங்கங்கள் இதை 3.25 ஆக உயர்த்த வேண்டும் என்று கோரிக்கை விடுத்துள்ளன.

7வது ஊதியக்குழுவில் ஃபிட்மென்ட் ஃபாக்டர் 2.57 ஆக இருந்தது. அதனால் குறைந்தபட்ச அடிப்படை சம்பளம் ரூ.7,000 இலிருந்து ரூ.18,000 ஆக உயர்ந்தது.

எந்த குழுவுக்கு எவ்வளவு அரியர் கிடைக்கும்?

8வது ஊதியக்குழு 2027 ஜனவரி முதல் அமல்படுத்தப்பட்டால், மத்திய அரசு ஊழியர்களுக்கு கிடைக்கக்கூடிய தோராயமான அரியர் தொகை பின்வருமாறு இருக்கலாம்.

Group A

• 7வது ஊதியக்குழு அடிப்படை ஊதியம்: ரூ.56,100

• 8வது ஊதியக்குழு மதிப்பீடு: ரூ.1,60,000

• வேறுபாடு: ரூ.1,03,900

• 12 மாத அரியர்: சுமார் ரூ.12.46 லட்சம்

Group B

• பழைய அடிப்படை சம்பளம்: ரூ.35,400

• புதிய மதிப்பீடு: ரூ.1,00,000

• வேறுபாடு: ரூ.64,600

• 12 மாத அரியர்: சுமார் ரூ.7.75 லட்சம்

Group C

• பழைய அடிப்படை சம்பளம்: ரூ.25,500

• புதிய மதிப்பீடு: ரூ.72,000

• வேறுபாடு: ரூ.46,500

• 12 மாத அரியர்: சுமார் ரூ.5.58 லட்சம்

Group D

• பழைய அடிப்படை சம்பளம்: ரூ.18,000 – 20,000 (சராசரி)

• புதிய மதிப்பீடு: ரூ.52,000

• வேறுபாடு: ரூ.34,000

• 12 மாத அரியர்: சுமார் ரூ.4.08 லட்சம்

இந்த கணக்கீட்டில் DA, HRA மற்றும் TA போன்ற கொடுப்பனவுகள் சேர்க்கப்படவில்லை. அவை சேர்க்கப்பட்டால் மொத்த நிலுவைத் தொகை இன்னும் அதிகரிக்கும்.

ஊழியர்களுக்கு கிடைக்கக்கூடிய மொத்த அரியர்

மதிப்பீட்டின் படி,

• Group A அதிகாரிகள்: ரூ.12 – 15 லட்சம் வரை

• Group B ஊழியர்கள்: ரூ.7 – 9 லட்சம் வரை

• Group C ஊழியர்கள்: ரூ.5 – 6 லட்சம் வரை

• Group D ஊழியர்கள்: ரூ.4 லட்சம் வரை

அரியர் தொகையைப் பெற வாய்ப்பு இருக்கலாம்.

மேலும் DA ஆறு மாதங்களுக்கு ஒருமுறை உயர்வதால், HRA மற்றும் TA போன்ற கொடுப்பனவுகளும் புதிய அடிப்படை ஊதியத்தின் அடிப்படையில் மீண்டும் கணக்கிடப்படும். இதனால் மொத்த சம்பள உயர்வும், நிலுவைத் தொகையும் மேலும் அதிகரிக்க வாய்ப்பு உள்ளது.