ஆன்மீகம்
முழு சந்திர கிரகணம் இன்று: 7 ஆண்டுகளுக்கு பின் வானில் தோன்றும் ‘Blood Moon’ – தமிழகத்தில் பார்க்க முடியுமா?
இன்று வானில் அரிய நிகழ்வு: 7 ஆண்டுகளுக்கு பின் முழு சந்திர கிரகணம் – தமிழகத்தில் தெளிவாக பார்க்கலாம்
வானத்தில் அரிதாக தோன்றும் முழு சந்திர கிரகணம் இன்று (செப்டம்பர் 7, 2025) இரவு நிகழ்கிறது. இது 7 ஆண்டுகளுக்கு பின் பொதுமக்கள் கண்டு ரசிக்கக்கூடிய வானியல் அதிசயமாகும்.
சந்திர கிரகணம் எப்படி ஏற்படுகிறது?
சூரியன், நிலா, பூமி ஆகியவை ஒரே நேர்கோட்டில் வரும்போது, பூமியின் நிழல் நிலாவை மறைத்தால் அது சந்திர கிரகணம் எனப்படுகிறது. கடந்த மார்ச் மாதத்தில் பகுதி சந்திர கிரகணம் தென்பட்ட நிலையில், இன்றிரவு முழு சந்திர கிரகணம் நிகழ்கிறது.
கிரகண நேர விவரங்கள்
இரவு 8.58 மணி → மங்கலான நிழல் (penumbral phase) தொடக்கம்
9.57 மணி → சந்திர கிரகணம் தொடக்கம்
11.42 மணி – 12.33 மணி → முழு சந்திர கிரகணம் (Blood Moon)
அதிகாலை 1.27 மணி → பகுதி கிரகணம் முடிவு
அதிகாலை 2.25 மணி → முழுமையாக முடிவு
இந்த முறை 85 நிமிடங்கள் நீடிக்கும் முழு சந்திர கிரகணம், நிலாவை அடர் சிவப்பு நிறத்தில் (Blood Moon) காட்டும்.
ஆன்மீகத்துடன் தொடர்பான வழக்கங்கள்
கிரகண நேரத்தில்:
உணவு உண்ணக் கூடாது
தண்ணீர் அருந்தக் கூடாது
உணவு மற்றும் தண்ணீரில் துளசி அல்லது அருகம்புல் இலை போட வேண்டும்
கிரகணம் முடிந்ததும் குளித்து விட்டு சாப்பிட வேண்டும்
தியானம் செய்வது மிகவும் நல்லது என ஆன்மீகவாதிகள் அறிவுறுத்துகின்றனர்.
இதனால் திருப்பதி உள்ளிட்ட பல்வேறு கோயில்களின் நடைகள் மூடப்படுகின்றன.
எங்கு பார்க்க முடியும்?
ஆசியா, ஐரோப்பா, ஆஸ்திரேலியா, தென் அமெரிக்கா உள்ளிட்ட கண்டங்கள் மற்றும் பசுபிக், அட்லாண்டிக், இந்தியப் பெருங்கடல், ஆர்டிக், அண்டார்டிகா பகுதிகளில் இருந்து கிரகணத்தை பார்க்கலாம்.
தமிழகத்தில் சந்திர கிரகணம்
சென்னை, கோவை உள்ளிட்ட நகரங்களில் கிரகணத்தை தெளிவாக பார்க்கலாம். மேலும் சென்னை கோட்டூர்புரம் பிர்லா கோளரங்கத்தில் பொதுமக்கள் பார்வைக்காக சிறப்பு ஏற்பாடுகள் செய்யப்பட்டுள்ளன.
அடுத்த முழு சந்திர கிரகணம் 2028 டிசம்பரில் நிகழும் என வானியலாளர்கள் தெரிவித்துள்ளனர்.
