உலகம்
உலகின் அதிவேக ரயில்: மணிக்கு 431 கி.மீ வேகத்தில் பறக்கும் அதிசயம்!
உங்களுக்கு ரயில் பயணம் என்றால் ரொம்ப பிடிக்குமா? அப்படியென்றால், இந்த வீடியோவை நீங்கள் கண்டிப்பா பார்க்கணும்!
சமீபத்தில் சமூக வலைதளங்களில் வைரலாகி வரும் ஒரு வீடியோவில், உலகின் அதிவேக ரயில் எந்த அளவுக்கு வேகமாக செல்கிறது என்பதை காண்பிக்கப்பட்டுள்ளது. கார்கள், விமானம் போன்ற வாகனங்களை விட ரயில் பயணம் என்றாலே தனி சுகம் தான். ரயிலில் செல்வது மட்டுமல்லாமல், அது வளைந்து செல்லும் அழகை ரசிப்பதும் ஒரு இனிமையான அனுபவம்.
1832ல் சென்னை மக்கள்தான் இந்தியாவில் முதன்முதலில் ரயிலை கண்டார்கள் என்பது உங்களுக்கு தெரியுமா? சென்னை மாகாணத்தில் சாலை மற்றும் கட்டிட வேலைகளுக்கு தேவையான பொருட்களை சுமந்து செல்ல 1832 முதல் நீராவி இயந்திர ரயில் இயக்கப்பட்டது. அதைத் தொடர்ந்து பல்வேறு பகுதிகளிலும் ரயில்கள் இயக்கப்பட்டன. ஆனால், யோசித்துப் பாருங்கள்… உலகின் அதிவேக ரயிலில் பயணித்தால்,
வெளியே தோன்றும் அழகான காட்சிகளை ரசிக்க முடியுமா? அல்லது பயத்தில் கண்களை மூடிக்கொண்டு உட்கார்ந்திருப்பீர்களா?
சமீபத்தில் வைரலான ஒரு வீடியோவில், உலகின் அதிவேக ரயில் எந்த அளவுக்கு வேகமாக செல்கிறது என்பதைக் காண்பிக்கப்பட்டுள்ளது. சிறகுகள் இல்லாமல் பறப்பது போன்ற வேகத்தில் அந்த ரயில் செல்கிறது. சில நொடிகளிலேயே அந்த ரயில் மணிக்கு 400 கிலோமீட்டர் வேகத்தை எட்டிவிடுகிறது.
@thehonestjohnarts என்ற இன்ஸ்டாகிராம் கணக்கில் பதிவேற்றப்பட்டிருக்கும் இந்த வீடியோவில், ரயிலின் உட்புற காட்சிகள் காண்பிக்கப்பட்டுள்ளன. ரயிலில் பயணிக்கும் ஒவ்வொருவரின் கண்களும் ரயிலின் கதவுகளுக்கு மேலே பொருத்தப்பட்டிருக்கும் ஸ்பீடோமீட்டரில் ஆகிவிட்டிருக்கிறது. ரயிலின் வேகம் அதிகரிக்க அதிகரிக்க, பயணிகளின் ஆர்வமும் அதிகரித்துக்கொண்டே இருக்கிறது.
சில நொடிகளிலேயே அந்த ரயில் மணிக்கு 431 கிமீ வேகத்தில் ஓடத் தொடங்குவதை அறிந்தால் நீங்கள் ஆச்சரியப்படுவீர்கள்.
இது உலகின் அதிவேக ரயில் என்று வீடியோவில் குறிப்பிடப்பட்டுள்ளது. இந்த ரயில் ஷாங்காயில் இருந்து புறப்படுகிறது.
ரயில் இவ்வளவு வேகமாக ஓடினால், பாதுகாப்பு பற்றிய கவலை எழுவது இயல்புதான். ரயிலின் வேகம் அதிகமாக இருக்கும்போது, வெளியே எதையும் தெளிவாக பார்க்க முடியாது. இந்தியாவின் அதிவேக ரயில் வந்தே பாரத் மணிக்கு 180 கி.மீ வேகத்தில் செல்கிறது. அதாவது, வந்தே பாரத் வேகத்தை விட இரண்டு மடங்கு வேகத்தில் இந்த ஷாங்காய் ரயில் ஓடுகிறது.
சீனா ஹைலைட்ஸ் மற்றும் சிஎன்என் அறிக்கையின்படி, இந்த ரயிலின் பெயர் ஷாங்காய் மாக்லெவ் ரயில். இதுதான் உலகின் அதிவேக ரயில்.
View this post on Instagram
