சினிமா
2020-ம் ஆண்டின் டாப் 3 ட்ரெண்டிங் இந்தியத் திரைப்படங்களில் ’சூரரைப் போற்று’!
கூகுள் தேடல்களின் அடிப்படையில் இந்திய அளவில் அதிகம் தேடப்பட்ட ட்ரெண்டிங் திரைப்படங்கள் பட்டியலில் தமிழில் நடிகர் சூர்யா நடிப்பில் வெளியான ‘சூரரைப் போற்று’ திரைப்படம் இரண்டாம் இடத்தைப் பிடித்துள்ளது.
2020-ம் ஆண்டு ட்ரெண்டிங் இந்தியத் திரைப்படங்கள் குறித்தப் பட்டியலை கூகுள் நிறுவனம் வெளியிட்டுள்ளது. இதில் முதலிடத்தை மறைந்த நடிகர் சுஷாந்த் சிங் ராஜ்புட் நடிப்பில் வெளியான ‘தில் பெச்சேரா’ பெற்றுள்ளது. இரண்டாம் இடத்தில் நடிகர் சூர்யாவின் ‘சூரரைப் போற்று’, மூன்றாம் இடத்தில் நடிகர் அஜய் தேவ்கன் தயாரிப்பு மற்றும் நடிப்பில் வெளியான ‘தானாஜி’, நான்காம் இடத்தில் பயோபிக் திரைப்படமான ‘சகுந்தலா தேவி’, ஐந்தாம் இடத்தில் நடிகை ஜான்வி கபூரின் ‘குஞ்சன் சக்சேனா’ ஆகிய திரைப்படங்கள் இடம்பெற்றுள்ளன.
2020-ம் ஆண்டில் புதிதாக இந்த ட்ரெண்டிங் பட்டியலில் நெட்ஃப்ளிக்ஸ், அமேசான் ப்ரைம், ஹாட்ஸ்டார் ஆகிய தளங்களில் வெளியான OTT திரைப்படங்களும் இடம்பெற்றுள்ளன. நேரடித் திரைப்படங்கள் உடன் மணி ஹெய்ஸ்ட், ஸ்கேம் 1992 (சோனி லைவ்), மிர்சாபூர் (அமேசான் ப்ரைம்) ஆகிய வெப் சீரிஸ்களும் இடம்பெற்றுள்ளன. இந்திய டாப் பட்டியலில் இடம்பெற்ற ஒரே ஹாலிவுட் திரைப்படம் க்ரிஸ் ஹெம்ஸ்வொர்த் நடிப்பில் வெளியான ‘எக்ஸ்ட்ராக்ஷன்’.
