நயன்தாரா படத்தில் நாயகி ஆனார் ‘செல்லம்மா’ பட பாடகி: ஹீரோ யார் தெரியுமா?

நயன்தாரா மற்றும் விக்னேஷ் சிவன் இணைந்து தயாரிக்கும் திரைப்படத்தில் சிவகார்த்திகேயனின் ’டாக்டர்’ படத்தில் இடம் பெற்ற ’செல்லம்மா’ என்ற பாடலை பாடியவர் நாயகியாக ஒப்பந்தம் செய்யப்பட்டுள்ளார்

விக்னேஷ் சிவன் மற்றும் நயன்தாரா இணைந்து உருவாக்கிய ரவுடி பிக்சர்ஸ் என்ற நிறுவனத்தின் அடுத்த தயாரிப்பு குறித்த தகவல் தற்போது வெளிவந்துள்ளது. இந்த படத்திற்கு ’வாக்கிங் டாக்கிங் ஸ்ட்ராபெர்ரி ஐஸ்கிரீம்’ என்ற டைட்டில் வைக்கப்பட்டுள்ளது. இந்த படத்தில் ஜோனிடா காந்தி நாயகியாக அறிமுகமாகிறார். இவர் சமீபத்தில் வெளியான டாக்டர் படத்தில் ’செல்லம்மா’ என்ற ’ என்ற பாடலை பாடியவர் என்பதும் குறிப்பிடத்தக்கது. அதுமட்டுமின்றி சென்னை எக்ஸ்பிரஸ், ஓ காதல் கண்மணி உள்ளிட்ட பல படங்களில் இவர் பாடல்களை பாடியுள்ளார்.

இந்த படத்தின் நாயகனாக கிருஷ்ணகுமார் என்பவர் நடிக்க உள்ளார். இவர் ஏற்கனவே சூர்யாவின் சூரரைப்போற்று திரைப்படத்தில் முக்கிய கேரக்டரில் நடித்தவர் என்பது குறிப்பிடதக்கது. விநாயக் என்பவர் இந்த படத்தை இயக்க உள்ளார் என்பதும் இவர் விக்னேஷ் சிவனிடம் உதவியாளராக இருந்தவர் என்பதும் குறிப்பிடத்தக்கது

வித்தியாசமான ரொமான்ஸ் கதையம்சம் கொண்ட இந்த படத்தின் பூஜை இன்று நடைபெற்ற நிலையில் விரைவில் இந்த படத்தின் படப்பிடிப்பு நடைபெறவுள்ளது