தொழில்நுட்பம்
Sanchar Saathi செயலி கட்டாயமில்லை: மத்திய அரசின் விளக்கம்!
மத்திய அரசின் தொலைத்தொடர்புத் துறை (DoT) அறிமுகப்படுத்திய சஞ்சார் சாத்தி (Sanchar Saathi) செயலி குறித்து சமூகத்தில் பெரும் சர்ச்சை எழுந்துள்ளது. முதலில், புதிய மொபைல் போன்களில் இந்த செயலியை முன்பே நிறுவ வேண்டும் என்று உத்தரவிடப்பட்டிருந்தது. ஆனால், இந்த செயலி கட்டாயமில்லை என்றும், பயனர்கள் விரும்பினால் அதை தங்கள் ஸ்மார்ட்போன்களில் இருந்து நீக்கிக் கொள்ளலாம் என்றும் மத்திய அமைச்சர் ஜோதிராதித்யா சிந்தியா இன்று விளக்கமளித்தார்.
அவர் கூறியதாவது:
“சஞ்சார் சாத்தியை நீங்கள் விரும்பவில்லை என்றால், அதை நீக்கிக் கொள்ளலாம். இது விருப்பத்தேர்வு (Optional) ஆகும். செயலியை அனைத்து மக்களுக்கும் அறிமுகப்படுத்துவது நமது கடமை, ஆனால் பயன்படுத்துவது பயனரின் விருப்பத்தில் உள்ளது. இது அழைப்புகள் அல்லது குறுஞ்செய்திகளை கண்காணிப்பதில்லை.”
செயலியின் நன்மைகள்:
இதுவரை 1.75 கோடிக்கு மேற்பட்ட மோசடி மொபைல் இணைப்புகள் துண்டிக்கப்பட்டுள்ளன.
சுமார் 20 லட்சம் திருடப்பட்ட மொபைல்கள் கண்காணிக்கப்பட்டு, 7.5 லட்சம் மொபைல்கள் உரிமையாளர்களுக்கு மீண்டும் ஒப்படைக்கப்பட்டுள்ளன.
DoT உத்தரவு:
அனைத்து புதிய மொபைல்கள் முன் நிறுவப்பட்டே இருக்க வேண்டும்.
பயனர்கள் செயலியை நீக்க முடியாத வகையில் (Non-removable) நிறுவ வேண்டும்.
இது 90 நாட்களுக்குள் நடைமுறைப்படுத்தப்பட வேண்டும்.
எதிர்ப்பு காரணங்கள்:
தனியுரிமை மீறல் அச்சுறுத்தல்.
அழைப்புகள், குறுஞ்செய்தி பதிவுகள், கேமரா அணுகல் போன்ற விரிவான அனுமதிகள் தேவை.
எதிர்க்கட்சிகள் மற்றும் சில ஸ்மார்ட்போன் தயாரிப்பு நிறுவனங்கள் கடுமையாக எதிர்ப்பு தெரிவித்துள்ளனர்.
செயலியின் முக்கியப் பயன்கள்:
தொலைந்த அல்லது திருடப்பட்ட சாதனங்களை கண்காணிக்க உதவும்.
IMEI எண் மூலம் போலியான சாதன பயன்பாட்டை தடுக்கும்.
சந்தேகப்பட்ட அழைப்புகள் மற்றும் குறுஞ்செய்திகளை புகாரளிக்க உதவும்.
உங்கள் மொபைல் உண்மையானதா என்பதை 15 இலக்க IMEI எண்ணின் மூலம் சரிபார்க்கலாம்.
செயலி ஆப்பிள் ஆப் ஸ்டோர் மற்றும் கூகுள் பிளே ஸ்டோர் இரண்டிலும் பதிவிறக்கம் செய்யக்கூடியது.
