செய்திகள்
ரேஷன் கார்டு கைவிரல் பதிவு காலம் நீட்டிக்க கோரிக்கை – தமிழ்நாடு அரசின் முக்கிய நடவடிக்கை!
தமிழ்நாடு அரசு, ரேஷன் கார்டு பயனாளிகள் கைரேகை மற்றும் கண்பார்வை (IRIS) பதிவு செய்யும் காலக்கெடுவை நீட்டிக்க, மத்திய அரசிடம் அதிகாரபூர்வமாக கோரிக்கை முன்வைத்துள்ளது.
ஜூன் 30, 2025 அன்று முடிவடைந்துள்ள இந்த பதிவுக்கான அந்தியோதயா மற்றும் முன்னுரிமை குடும்ப அட்டைதாரர்கள் கட்டாயமாக ரேஷன் கடைகளில் கைவிரல் மற்றும் கண் ஸ்கேன் பதிவு செய்யவேண்டும் என்பது மத்திய அரசின் நிபந்தனை.
இந்த நடவடிக்கையின் மூலம்,
போலி பயனாளிகளை நீக்குவது
இறந்தவர்களின் பெயரில் தொடரும் விநியோகத்தை நிறுத்துவது
உண்மையான நபர்களுக்கு மட்டும் ரேஷன் வழங்கப்படுவது போன்றவை நோக்கமாகும்.
இருப்பினும், பல பயனாளிகள் வெளிநாட்டில் இருப்பது, உடல்நிலை பிரச்சனை போன்ற காரணங்களால் இந்த பதிவை முடிக்க முடியாத நிலையில் உள்ளனர். எனவே, தமிழ்நாடு அரசு, இந்த காலக்கெடுவை மேலும் நீட்டிக்க மத்திய உணவுப் பொருள் மற்றும் நுகர்வோர் பாதுகாப்புத் துறை அமைச்சரிடம் நேரில் கோரிக்கை விடுத்துள்ளது.
அமைச்சர் சக்கரபாணி, டெல்லியில் மத்திய அமைச்சர் பிரகலாத் ஜோஷியை சந்தித்து, கீழ்க்கண்ட கோரிக்கைகளை முன்வைத்தார்:
கைவிரல் பதிவு காலக்கெடுவை நீட்டிக்க வேண்டும்
தமிழ்நாட்டிற்கு நிலுவை உள்ள ரூ.2670.64 கோடி நிதியை உடனடியாக வழங்க வேண்டும்
எடை இயந்திரம் மற்றும் கைரேகை கருவி இணைப்பு காரணமாக நேரத்தடையைக் குறைக்கும் நடவடிக்கை
தமிழ்நாட்டுக்கு புழுங்கல் அரிசி முழுமையாக வழங்க வேண்டும்
காரிஃப் பருவ அரிசி கொள்முதல் இலக்கை உயர்த்த வேண்டும்
இந்தக் கோரிக்கைகள் நிறைவேறினால், ரேஷன் பயனாளிகள் எந்தவித தடையுமின்றி சேவைகளை பெறலாம். மேலும், அனைத்து பயனாளிகளும் விரைவில் தங்களின் கைவிரல் மற்றும் கண் பதிவு செயலில் ஈடுபடுமாறு அரசு வலியுறுத்துகிறது.
