செய்திகள்
கலைஞர் மகளிர் உரிமைத் தொகை திட்டம்: புதிய விதிவிலக்குகள் – அதிக பெண்கள் பயன்பெறும் வாய்ப்பு!
தமிழ்நாடு அரசு செயல்படுத்தி வரும் கலைஞர் மகளிர் உரிமைத் தொகை திட்டம் தற்போது மேலும் பலரை சேர்த்துக் கொள்ளும் வகையில் மூன்று புதிய விதிவிலக்குகளை அறிவித்துள்ளது. இதன் மூலம், இதுவரை தவிர்க்கப்பட்டிருந்த புதிய பல குடும்பங்களின் பெண்களும் இந்த திட்டத்தில் சேர தகுதி பெறுகின்றனர்.
ஜூலை 15 முதல் நடைபெறும் “உங்களுடன் ஸ்டாலின் முகாம்” வழியாக, தகுதியும் இருந்தும் விண்ணப்பம் நிராகரிக்கப்பட்டவர்கள் மற்றும் இன்னும் விண்ணப்பிக்காதவர்கள் அனைவரும் மறுபடியும் விண்ணப்பிக்கலாம்.
புதிய விதிவிலக்குகள்:
1️⃣ ஓய்வூதியம் பெறும் அரசு ஊழியரின் குடும்பத்திலுள்ள, ஓய்வூதியதாரர் அல்லாத பெண்கள், பிற தகுதிகளை பூர்த்தி செய்திருந்தால் விண்ணப்பிக்கலாம்.
2️⃣ அரசு மானியத்துடன் நான்கு சக்கர வாகனம் வாங்கிய குடும்பங்கள் – வாகன உரிமம் இருப்பினும், மற்ற தகுதிகள் இருந்தால், அந்தக் குடும்பத்தின் பெண்கள் விண்ணப்பிக்க தகுதியானவர்கள்.
3️⃣ விதவை, ஆதரவற்ற, கைவிடப்பட்ட பெண்கள், மற்றும் திருமணமாகாத ஏழைப் பெண்களுக்கு வழங்கப்படும் ஓய்வூதியம் பெறும் குடும்பங்கள் – அந்த குடும்பங்களில் உள்ள பிற தகுதியான பெண்கள் திட்டத்திற்கு விண்ணப்பிக்கலாம்.
ஏற்கனவே உள்ள விதிவிலக்குகளும் தொடரும்:
மாற்றுத் திறனாளிகள், பார்கின்சன் நோய், தசைச் சிதைவு நோய் போன்ற நிதி உதவித் தொகை பெறும் குடும்பங்கள்.
முதியோர், உழவர் பாதுகாப்புத் திட்டம், அமைப்புசாராத தொழிலாளர்களுக்கான ஓய்வூதியம் பெறும் குடும்பங்களில் உள்ள தகுதியான பெண்கள்.
முக்கிய அறிவுரை:
யாரும் தவற விடக் கூடாது!
தன்னார்வலர்கள் வழிகாட்டுவார்கள்.
தகுதியும் ஆவலும் இருந்தால், ஜூலை 15 முதல் நடைபெறும் முகாமில் கலந்து கொண்டு விண்ணப்பிக்கவும்.
