ஆரோக்கியம்
புரட்டாசி நவராத்திரி கொலு படிகள் அமைக்கும் வழிமுறை 2025!
புரட்டாசி மாதத்தில் வரும் நவராத்திரி திருவிழா நல்வாழ்வை தரும் என்று நம்பப்படுகிறது. இந்த நல்வாழ்வை பெருக்க, துர்க்கை, லட்சுமி, சரஸ்வதி ஆகிய தெய்வங்களை பூமாலை சூடி, பாமாலை ஜபம் செய்யவும் வழிபடவும் பரிந்துரைக்கப்படுகிறது. நவராத்திரி திருவிழா கொண்டாடப்படும் போது வாழ்க்கையில் சங்கடங்கள் நீங்கி, பொருள் செல்வம் அதிகரிக்கும், வெற்றி வாய்ப்புகள் பெருகும் என நம்பப்படுகிறது.
கொலு படிகள் அமைப்பது
கொலு படிகளை ஐந்து, ஏழு, ஒன்பது படிகள் ஆகிய ஒற்றை வரிசைகளில் அமைக்க வேண்டும். ஒவ்வொரு படியும் குறிப்பிட்ட வகை பொருட்களையும், பொம்மைகளையும் வைத்தே அமைக்கப்பட வேண்டும்:
முதல் படி: ஓரறிவு கொண்ட புல், பூண்டு, செடி, கொடி, தாவர வகைகள்.
இரண்டாவது படி: இரண்டு அறிவு கொண்ட பிராணிகள் – சிப்பி, சங்கு போன்ற பொம்மைகள்.
மூன்றாவது படி: மூன்றறிவு கொண்ட எறும்புகரையான் பொம்மைகள்.
நான்காவது படி: நான்கு அறிவுகொண்ட உயிரினங்கள் – நண்டு, வண்டு போன்ற ஜீவராசிகள்.
ஐந்தாவது படி: ஐந்தறிவு கொண்ட விலங்குகள் மற்றும் பறவைகள்.
ஆறாவது படி: ஆறறிவு கொண்ட மனித பொம்மைகள் மற்றும் நாட்டிற்காக உழைத்த தலைவர்கள்.
ஏழாவது படி: மனித சக்திக்கு அப்பாற்பட்ட மகான்கள்.
எட்டாவது படி: தேவர்களின் உருவங்கள், தெய்வங்கள், நவக்கிரகங்களின் பொம்மைகள்.
ஒன்பதாவது படி: பிரம்மா, விஷ்ணு, சிவன் மற்றும் அவர்களின் துணைவியர்கள் – சரஸ்வதி, லட்சுமி, துர்க்கை.
நடுப்பகுதியில் கோலு பீடத்தில் விநாயகரை வைத்து வழிபட வேண்டும்.
இந்த முறையில் கொலு படிகளை அமைத்தால், குடும்ப நல்வாழ்வு, பொருள் செல்வம் மற்றும் ஒற்றுமை பெருகும். நவராத்திரி திருவிழாவில் இந்த வழிமுறையை பின்பற்றுவது மிகவும் சிறந்தது.
