சினிமா செய்திகள்
இவ்வளவு புரமோஷன் செய்தும் ஒரு டிக்கெட் கூட புக் ஆகலையே: ‘வீட்ல விசேஷம்’ பரிதாபம்
ஆர் ஜே பாலாஜி நடித்த இடக்கிய வீட்ல விசேஷம் திரைப்படம் நாளை திரையரங்குகளில் வெளியாக உள்ளது என்பது தெரிந்ததே. இந்த படத்தின் ரிலீஸுக்காக கடந்த சில நாட்களாக பாலாஜி உள்பட படக்குழுவினர் தீவிரமாக புரமோசன் செய்து வந்தனர் என்பது குறிப்பிடத்தக்கது.
இந்த நிலையில் நாளை இந்த படம் வெளியாக இருக்கும் நிலையில் சென்னை தேவி தியேட்டர் உள்பட பல திரையரங்குகளில் நாளைய முதல் காட்சிக்கு ஒரு டிக்கெட் கூட இன்னும் புக் செய்யப்படாமல் இருப்பது பெரும் அதிர்ச்சியை ஏற்படுத்தி உள்ளது.
ஆனால் அதே நேரத்தில் இரண்டு வாரங்களுக்கு முன்னர் வெளியான விக்ரம் திரைப்படம் இப்போதே பாதிக்குமேல் திரையரங்குகளில் முன்பதிவு செய்யப்பட்டுள்ளன என்பது குறிப்பிடத்தக்கது.
விக்ரம் திரைப்படம் திரையரங்குகளில் நன்றாக ஓடிக் கொண்டிருப்பதால் தான் ஹரி இயக்கிய யானை திரைப்படத்தின் ரிலீஸ் தேதி ஜூலை 1ஆம் தேதிக்கு தள்ளிவைக்கப்பட்டது.
ஆனால் அதே நேரத்தில் ஆர்ஜே பாலாஜி தனது வீட்ல விசேஷம் திரைப்படத்தின் ரிலீஸ் தேதியை ஒத்திவைக்காமல் திட்டமிட்டபடி ரிலீஸ் முடிவு செய்தார். இதனை அடுத்து விக்ரம் படத்தை திரும்ப திரும்ப பார்க்க ரசிகர்கள் தயாராக இருக்கிறார்களே தவிர வீட்ல விசேஷம் படத்தை பார்க்க தயாராக இல்லை என்பது முன் பதிவிலிருந்து தெரியவருகிறது.